【不懂撒娇的女人】游生袁文杰霸气闹阿仙奴　捞足14年：感恩亚视

《不懂撒娇的女人》焦点不单止女艺员，就连亚视oppa袁文杰都令网友眼前一亮，45岁的他在剧中饰演游生，非常霸气，有两场分别和高海宁、唐诗咏游水戏，身型保持得非常好，近引来网民搜寻他的陈年“玉照”，08年他同吴婷欣去了日本东北部拍摄旅游节目《爱在异乡的季节》，其间全祼上阵，为亚视出力不惜一切。袁文杰除了是演员外，亦是英超球会阿仙奴的死忠，更经常在YouTube 球星台，《杰出阿仙奴》讲波，分析阿仙奴每场的嬴输关键。艺员讲波讲到咁认真，非常少有，袁文杰每一条片都长达20分钟，一定要做足功课先能够讲到，更意想不到是他这个YouTube节目竟然吸引到《不懂撒娇的女人》监制收看，亦因为见他理性分析得来又有霸气，最后找他饰演游生，他说:“估唔到，原来监制睇过我喺啲网上平台讲波，觉得我讲波嘅时候都有啲霸气㖞，就对我有啲了解啰，我唔系闹㗎，我系撑㗎，打得好就赞，唔好先闹。”

在亚视不多人认识，今次在无线一出现就有人谈论，有网友觉得他在亚视浪费时间，但袁文杰觉得要感谢亚视给他的机会，他说:“我觉得任何嘢睇时机，我当年读训练班，但当时我出到嚟成pat嘢咁，你话我𠮶阵喺无线，又代表咩呢?唔代表系好，分分钟玩几年就消失都未定，我觉得喺亚视，唔系外界所讲咁大嘅浪费，因为佢俾咗好多实战机会我，呢样我要感恩。”

提起亚视，网友一定负评，但袁文杰只想到要多谢及感激恩人，他说:“有两位恩师对我好好，一位是萧苼前辈，我入去佢就俾机会我，另一位是凌雪娥小姐，喺佢俾我做大骚嘅司仪，明白嘅，亚视永远处于一个低一个嘅位，但作为艺人去到攞一个实战经验绝对不是坏事，我唔觉得喺亚视系一个好大嘅损失，无以前又点会有而家嘅嘢呢?做人要睇机遇，我只而家嘅心态系配合TVB，慢慢嚟等机会。”