电子灵︱龚慈恩会打机打通宵？　忧儿子亦沉迷损健康：令颈椎受压

香港灵异题材奇幻惊栗电影《电子灵》今日（8日）举行首映礼，导演梁碧芝携同Gladys李靖筠、杨天宇、顾定轩及龚慈恩等一众主演出席。电影讲述一位沉迷使用电话与社交媒体世界的少女陈楚童（李靖筠　饰），在电子世界里“撞鬼”遇上电子灵，迫使她面对许多心灵的恐惧与愧疚，并与好友林子强（杨天宇　饰）一同闯关、寻找破解驱散电子灵的方法。

龚慈恩于《电子灵》里与李靖筠饰演母女，同样因为疫情长期逗留在家而沉迷社交媒体与网络世界，电影有不少情节回应疫情期间的困境，龚慈恩表示：“其实喺Covid疫情期间，我都有拍电视剧、有拍其他。我好记得第一次Covid讲紧最恐怖嘅时候呢，我啱啱就去做侍应（角色）𠮶场戏，其实自己都好惊，不过都系experience（经验）嚟嘅。做演员最好玩嘅地方，就系你可以有阵时碰到某啲危险、或者辛苦，但系都系好好嘅经历。”

龚慈恩分享自己的角色时，提到有份参与惊吓及较灵异的戏份，形容经验难得：“其实我唔系拍好多灵异嘅戏，系比较少嘅。同埋我自己睇都有少少惊，但系《电子灵》真系讲我哋贴身真系嘅问题，好多人拎住个电话、喺个电话里面已经Drew in（被吸引）得好紧要，呢个系真真正正需要面对嘅问题。”她亦表示自己有沉迷电话的时候：“有阵时我都会打下机，打机打到唔系㖞！五点喇？八点喇？但系有下一关嘅话又会追落去、又冇瞓觉，都跩嘅！”

而龚慈恩最大的忧虑，并非电子骗案或网络陷阱的危险，反而是长期使用电话下对健康的影响：“好似我叫我个仔，每次见佢睇电话我就要佢手提高过颈，唔好屈低啰！”表示对儿子的肩颈、背椎的健康非常注意，亦希望大家不要忽视长期使用电话对健康的影响。龚慈恩亦表示儿子的情况未至于似《电子灵》里顾定轩饰演的儿子一样沉迷打机至不吃不喝：“喺佢Leisure（休闲）嘅时间我可以畀佢睇，但系我就要佢唔可以弯低身令到个颈椎受压。”