虾头为“IG事件”再解画　激动落泪：我要面对大众闹我系双面人

香港电影金像奖赛果尘埃落定，早前被视为“最佳女配角”黑马的《正义回廊》杨诗敏(虾头)，最终落败给《饭戏攻心》王菀之。失落奖项后，虾头在 IG 发文称“得失之间 所有都是最好的安排”，惟同时却被发现在 IG story 转发对赛果感失望的言论，遭网民狠批“双面人”、“输唔起”

今日（3/5）虾头出席尹光演唱会彩排时，就事件接受《香港01》访问时一度哽咽落泪回应：“我必须承认今次我系做得唔够好，喺呢件事上我系疏忽大意咗，因为当中涉及到他人嘅意见，喺我转发嘅时候我系应该要留意。当新闻出咗之后，我系冇谂过人哋觉得我系一个咁嘅人，话我系双面人，原因系识我嘅人都知我系蠢过只猪。再者我从来都未试过有咁多人去支持我，呢样嘢系令到我非常感动，当我要面对大众闹我系双面人，又话我唔得，我系接受，我系冇问题，因为你哋讲乜系你哋嘅自由。我而家喊，并唔系因为伤心，而系有咁多人支持自己，我系感动而泣。

虾头续说：“其实事件发生咗之后，我系冇特别去睇，因为有啲报道并不是事实，令我觉得我唔需要去澄清，因为我觉得澄清系冇用，因为你哋觉得我系咁嘅时候，我觉得无需要再越描越黑，变咗我只系出咗一个简单回应就算，希望事件告一段落。（有冇打电话俾王菀之解释？）我都有即刻打电话俾佢，同佢联络咗，同佢讲有一个误会发生，希望佢明白我嘅状况系咩一回事，而佢都好明白，毕竟我同佢都好好朋友，大家喺喜剧上会有好多交流，变咗佢反过嚟安慰我，叫我唔好咁紧张。”