张敬轩预告6月演唱会或骚肌　谈林家谦姜涛被批评：咁先会进步

张敬轩现身今日（23日）举办的《The Next 20 Hins Live Hong Kong》演唱会Blu-Ray签名会，大批粉丝将商场围得水泄不通，场面墟冚。见到如此多粉丝到场支持，轩仔也特别兴奋：“可能开了关，都有啲其他地方的朋友，我直情见到IG有的人搭飞机过来，所以都好开心。”

去年12月轩仔因感染新冠肺炎被迫叫停《REVISIT》演唱会，早前宣布余下5场将于5月重启，并加多6场，他一早已透露会有些新的安排，提及会否show肌，轩仔即刻打趣道：“点解大家咁关心，我啲肌肉有咩咁好睇？show咪show，好巴闭咩！（最有信心边part肌肉？）其实我真系唔怕话畀大家听，我一操就有。可能因为我系瘦底，所以好快见效，再加埋Tyson教练加持，我相信我嘅肌肉会突飞猛进。（6月？）两个月都操到少少嘢，我都有少少，个底不嬲喺度，都40几年。”他认真地说：“不过真系要做返运动，我都喺度劝吁各位，同我一样中过COVID，其实（身体）真系会差咗，睇下中医。”轩仔更指IG Live有介绍，结果反而为医师带来“困扰”：“寻日佢太太打畀我，话张生，其实我哋谂住睇埋你或者几个而家嘅客人，我哋就退休，但而家搞唔掂。”

台上面，轩仔透露会准备轩公的栋笃笑系列，但他直言其实不是很喜欢大家称他为“轩公”，甚至连老板杨受成先生都叫他“轩公”，实在有些承受不起，笑指自己终于体会到“矛盾”的感受，又忆述首次见刘德华时，不知道应该称呼华仔定华哥，最后叫了一声“华仔”后，刘德华迟疑了半秒，他即刻再补叫声“华哥”，刘德华便答道：“华仔得喇”，这才令他松口气。对于“轩公栋笃笑系列”，他表示：“希望在下半年或者出年嘅一个全新format（模式），其实系栋笃唱，点都会唱下歌，想氹大家开心。（会唔会18禁？）我睇完今日呢个场面我都会考虑，可能二级。我无预过而家啲女仔系咁主动、进取。”

谈及上星期林家谦在金像奖上以歌舞剧形式演绎经典电影进取被批表现欠佳，轩仔也表达个人意见：“其实等于我哋做演唱会一样，好与唔好，实会有人钟意唔钟意，我谂家谦绝对有咁样嘅EQ，佢绝对接受，无论观众对佢各种评论。识佢咁耐，佢表演风格嚟，𠮶种怕怕丑丑，好似hea跳，但返屋企发梦都已经喺度练紧，𠮶个系佢style，我谂同音乐一样，譬如我嘅音乐都唔一定每一个人都会喜欢，咁一定会继续支持家谦。”他继续指出：“呢几年金像奖都系想行返一个年青啲表演取态，今年好多，嘉豪、姜涛、Serrini，其实都系求变，咁当中有批评嘅声音我觉得好好，对于我哋年轻的歌手来讲系一个好好嘅鞭策。”

今日周启生批评姜涛唱功，轩仔亦有留意道，他表示：“周sir不嬲对我哋后辈都好严格，对佢自己都相当严格，所以佢喺行内系我哋大家都好敬重嘅音乐领班，我都有睇到阿姜个回应，态度都十分之好，其实每一代都系，前辈又好，观众都好，都畀好多批评、压力我哋，但当我哋正向去睇佢嘅时候，佢只会成为令艺人进步得愈来愈快嘅一个动力。所以我对新一代嘅歌手好有信心，佢哋系ready去接受所有嘅批评，唔一定话而家有几多人气，或者喺市场上有几受欢迎，自己会固步自封，我见到譬如MC（张天赋），好多新一代歌手，佢都求变，包括我自己呢一代歌手都求变，所以就算我入行廿年，我都系每一日ready去接受网民、前辈嘅批评，咁样先会有进步。”更提到Denzel Washington的金句：“我们要好小心，实弹会在我们成功或者开心的时候出现”，所以轩仔一直这样警戒自己。