Nat@Strayz首推Solo唱出勇闯乐坛决心　大帽山上拍MV冻到打冷震

Strayz成员之一的榛綦（Nat），于2023年推出处女单曲《Time To Fly》 ，以个人姿态跟乐迷见面。歌曲以自身经历作出发，讲出解闯乐坛的决心，而为了制作高质MV，Nat不惜冒寒，以单薄的歌衫在大帽山上拍摄，专业精神可嘉。

Nat本身好钟意蝴蝶，所以首支个人单曲《Time To Fly》就借蝴蝶蜕变历程，分享自身经历，并找来T-Ma、Claudia Koh与自己一同作曲、Oscar填词，Nat说：“作为一个素人 ，一开始去参加《造星4》，冇谂过入到20强，再组成Strayz。呢个追梦嘅过程唔简单，同时亦系我嘅一个成长，所以我将自己成长嘅心路历程，放喺《Time To Fly》呢首歌度话畀大家知。”Nat特别喜欢歌名Time To Fly，因为好有鼓励作用，更说：“歌曲其实更讲到我终于要踏出Comfort Zone要飞喇，闯出去探索呢个世界，对于我嚟讲好有动力嘅一句说话。”Nat亦希望透过《Time To Fly》，鼓励勇敢追梦的人不要轻易放弃。

为了贯穿蝴蝶主题，《Time To Fly》MV中的服饰都特别加入了蝴蝶元素，Nat介绍说：“我朋友好叻编织，其中有件蝴蝶上衣好Iconic，所以我就问佢可唔可以帮我整件蝴蝶衫，多谢佢一口答应，更落手落脚漏夜赶俾我。”而蝴蝶要在空中飞翔，制作团队特别在黄昏时分带了Nat到大帽山上拍摄，不过现场却十分大风、又冻，Nat与4位Dancers都着得十分单薄，结果都吹到大家打冷震，Nat更说：“Art Team亦超级快喺现场搭咗个Props，其实啲风狂吹好惊会跌，所以系劲难忘，不过好感恩，大家可以咁落力，冒住咁冻环境都做得咁好！”

这次首次推出个人作品，没有了Strayz队友在旁，Nat表示好挂住队友，她说：“我喺Strayz唔属于音乐制作部门，本身系VAL同CK负责，今次做《Time To Fly》自己亲自同监制见面，解释自己理念想法，所有嘢要亲手落力去做，本身冇呢个经验，所以过程中好挂住我啲队员，因为当自己冇呢个经验，好迷失嘅时候，谂起有队员嘅互相支持Support系好窝心重要。”

除了《Time To Fly》，Nat都已计划好今年将推出3首单曲，另外亦着手筹备跟Strayz成员推出双人合唱作品，当然还有Strayz团歌，满脑子计划，但其实是别有用心，Nat说：“希望可以做到所有嘅嘢，因为都想有多啲风格同面貌畀大家睇到，了解我哋多啲。”