关心妍弃个唱Part 2改做慈善演唱会　拒收歌酬邀请基层家庭睇骚

关心妍（Jade）四月即将举行“关心妍Shine妍亮福音慈善演唱会”，日前为个唱拍摄海报时透露，今次并非去年个唱“Part 2”， 为演唱会从新制作：“今次系红馆Part 2嘅期，但我地就选择唔做Part 2，会制作一个善慈嘅演唱会，因为我有一个妍亮生命慈善基金，第一次喺咁大嘅场地做筹款嘅演唱会，希望可以祝福香港嘅朋友。”Jade笑言冇谂过会获批档期搞骚，制作过程比以往更有难度：“谂住两三年后先会批到期做演唱会，点知入完表格冇几耐就真系批咗，仲急过上年嘅骚！过年前啲人话我好瘦要食多啲嘢，一过完年知道要做骚又要Keep翻同戒口。”

为今次的个唱，Jade拒收歌酬之余，更自发捐款希望达到目标：“其实我嘅慈善基金一向都系靠我啲歌酬同埋教唱歌去营运，今次仲要捐多啲出嚟，暂时目标系有一百万嘅门票，免费邀请低收入同基层家庭、情绪病患康复者、中学生去睇骚，因为佢地可能未嚟过红馆睇演唱会。”Jade就话过去一直好多圈中人支持基金，计划“碌卡”邀请到场做嘉宾：“圈中好多朋友都会嚟做嘉宾，但人名就卖个关子先，早排过年我都趁团年聚会同佢哋讲呢件事，所以呢排同我食饭嘅，你就知我想揾你做嘉宾喇。”

虽然Jade曾举行多次红馆个唱，但这个演唱会是香港首个以流行福音歌曲做主题的演唱会，更获相关团体支持，令她非常紧张：“因为我都想有突破、做啲新嘢，大家可能听惯我啲悲情歌，但今次演唱会会唱啲开心、正向嘅歌曲。”提到囡囡心心已为个唱做“预备”，更埋怨妈咪没带她影海报：“佢以为自己一定有份做呢个骚，不停提议唱咩歌好，同埋上次打筋抖太好喇，我都唔知佢有冇其他新技能骚到比大家睇。今日嚟影海报出门口，佢好紧张问我去边，做乜唔带佢嚟一齐影，心心已经当正自己系嘉宾之一。”关心妍仲话会教囡囡用利是钱买飞支持，提议佢向身边啲同学仔为呢个骚筹款。”