阴目侦信︱ERROR齐虾郭思　阿Dee封Viutv轮王：烟屎牙打到白晒

香港电影《阴目侦信》由梁国辉执导，为男子组合ERROR全员梁业（肥仔）、何启华（阿Dee）、郭嘉骏（193）、吴保琦首次担纲主演的电影。今日（16日），导演携同ERROR全员及谭旻萱、郭思、周家怡及太保等一众主演，出席《阴目侦信》开镜拜神仪式，祈求拍摄顺利、票房大好。

ERROR四子于开镜礼上接受访问，难得首次齐集拍电影，贵为“9000万男配角”的阿Dee何启华正经介绍剧情：“《阴目侦信》其实系改编自一套网络小说，大家睇过嘅话应该会认得个名，里面讲述四个拥有唔同能力嘅角色，故事涉及同鬼有关嘅案件。”193随即笑指：“今次阿Dee系男主角，我哋三个只系配角！”阿D则笑指：“唔好听佢哋乱讲，我哋四个都系主角！”

同场接受访问的三位女主演“投诉”ERROR四子在拍摄现场大放笑弹，又不时在剧本外爆肚演出令他们难以招架，保琦在访问中表示：“我哋冇爆肚㖞！都全部都跟足剧本㗎！”193则笑指：“我哋跟剧本上加咗啲嘢，有时做戏就系咁有啲嘢好自然就会出咗嚟。有时会加一两句，改咗某啲嘢，但系事前都有同导演倾咗嘅。”阿Dee亦表示：“导演揾得我哋就一定欣赏我哋之间嘅火花，有feel嘅时候就尽情发挥！”

在《阴目侦信》与ERROR四子有不少对手戏份的郭思亦“投诉”他们经常欺负自己，193回应时笑指：“得阿Dee冇嘅啫，我哋三个都有，得因为阿Dee系男主角忙于拍戏，我哋三个配角就好多休息时间！”保琦亦笑指：“因为郭思系一个好天真烂漫嘅人，令到大家喺职场上都好欢乐，佢一举手投足就令大家好想注意住佢！”被问及如何欺负郭思，193则笑指郭思有时会为演出感到紧张，他则会幽默化解：“唔紧要啦！点都做得唔好㗎喇！”

“肥仔”梁业被爆情迷《阴目侦信》合作女主角周家怡，访问中肥仔亦借机会大赞对方：“其实睇《反起跑线联盟》嘅时候已经好钟意周家怡，仲写情信畀佢，不过佢都冇show我咋嘛！不过都唔记得自己写乜喇！”193笑指肥仔“细细个”已经钟意周家怡，肥仔则以笑解围：“睇佢𠮶时我已经‘大大个’！”

ERROR四子与郭思、谭旻萱拍摄期间火花不断，被问及戏中感情戏份时，193笑指：“好惨啊！今次佢哋三个有感情戏我冇呀！”肥仔笑指：“佢自己set唔感情戏，系同一个婆婆有感情戏！”阿Dee亦笑指：“唔止一个，系两个！左边一个、右边一个！”至于其他团友的感情戏有没有亲热戏份，193笑指：“未够胆加㖞！但系阿Dee佢哋打车轮！人哋系咁伸脷、阿Dee棚烟屎牙都打到白晒！”保琦亦笑称阿Dee为Viutv“轮王”！

阿Dee参演的贺岁电影《毒舌大状》票房早前冲破9000万、正向亿元大关迈进，阿Dee自言未感压力：“冇压力㖞喺票房上，我今次可以专心演戏。”他续指：“因为啲压力已经转移到三位配角身上！”193亦回敬一句：“而家9000（万）我估一半左右啦，4500万票房阿Dee就全裸！”阿Dee则笑指自己已经找数：“咁我搞个show除裤算啦！我个show一粒钟，上台讲几句、除完裤就走人！”他亦笑指：“今次学识咗以后要小心啲讲嘢！”