再见宁静海︱Ian首度与黄伟文合作　MV剧情虐心与颜卓灵轮流爆喊

陈卓贤@MIRROR（Ian）2023年首支派台作品《再见宁静海》，找来黄伟文（Wyman）首度合作，为乐迷送上一个有关月球的故事，让大家学懂珍惜，不要带著思念与遗憾终老，而MV则有颜卓灵（Cherry）参与演出，与Ian齐齐合演一个虐心爱情故事。

这次是Ian与Wyman首度合作，Ian说：“有幸邀请到Wyman写词，佢嘅故事、歌词，喺我第一日收到嘅时候一路听住自己嘅Demo，再反复睇咗几次歌词已经即刻鼻酸酸。”那么，这是一个怎样的故事呢？且听Ian娓娓道来：“当初同Wyman讲过想系1969年岩士唐登陆月球嘅故事。喺登陆月球返回地球后，岩士唐有可能想再上去，但就好似世事，有阵时你想做到，你理想系咁，但你未必做到。岩士唐之后都未必可以上得返月球，会有好多遗憾。”在《再见宁静海》头两句的歌词其实已道出了Ian想带出的这份遗憾：“最快乐时候未知最快乐 / 到跌落凡尘就知再没有”Ian对这两句感受很深，他说：“大家好幸福时唔意识自己好幸福，所有嘢都系喺失去咗之后，带住呢个遗憾终老。”

为配合歌词，导演特别将五月天与陈绮贞合唱的《私奔到月球》作为MV男女主角的定情之作，画面上亦有很多与月球有关的情节，把故事串连起来。Ian解说：“《私奔到月球》系我向女朋友表白嘅一首歌，同《再见宁静海》之间嘅联系系好有关系，另外音乐盒都系关于月球。去到MV最后好虐心一幕，女主角留低俾我嘅笔记，里面都有好多提到月球嘅嘢，详情记住睇MV。”

讲明虐心，在今次《再见宁静海》MV中，Ian与Cherry轮流爆喊，其中Ian更是罕有地变成喊包，他坦言这次可是真情流露，他说：“由细到大都甚少喊。细个我好硬颈、好曳，属ADHD（注意力不足过动症），但以前屋企人冇正视呢样嘢，只觉得小朋友曳，就要打，但我被打时依旧好硬颈，喊都唔喊，郁都唔郁；一句话都唔讲，由佢哋继续打，打到佢哋攰为止都唔会道歉。大个咗之后都唔会俾自己情绪外露，情绪一涌上嚟就会自然㩒返落去，有阵时演戏都会遇到呢样嘢，Feel到好感触，有情绪想要发出嚟，我冇刻意控制但身体都会自然㩒低佢。今个MV第一日拍摄嘅时候同Cherry第一幕戏已经好有感觉，好多谢佢演绎得好好，望住佢双眼，感受件事嘅时候，大家已经进入咗个世界，所有情绪、感情演绎嘅部份，系完全投入咗，伤痛爆喊嘅情绪亦自然流露。”

虽然《再见宁静海》是一个虐心的MV，但大家仍可以见到Ian开怀的一面，穿上中学校服的他，会拿起结他在礼堂夹Band。Ian表示，他很爱夹Band，他说：“大学学音乐后有夹过Band，系一个几好嘅岁月，大家纯粹只为好玩，几Enjoy件事，所以几怀念𠮶种感觉。”

时而大喊，时而大笑，既考演技，也考Ian的体力，这次拍摄《再见宁静海》MV碰上拍剧的日子，结果Ian要连踩40小时，通宵拍剧后迅即赶到MV现场开工，攰得转Location时也不自禁在车上睡著，落车时人未醒有点企不稳更差点跌低，Ian回想道：“好彩隔离有人挨落去，如果唔系就跌落地。系有几个Moment会不自控想休息，但过程中唔觉得好攰，好投入、享受件事就冇咗𠮶种攰嘅感觉。导演知道我开完大通宵后仲要过嚟拍MV有啲担心，因为今次演绎上嘅考验比较高，会担心唔够休息得唔得㗎？ 但最后都好顺利，全部都系一Take就完成导演要求，所以好开心好好玩。”

新年将到，Ian将要在工作中度过，他透露：“都冇得Plan有乜嘢活动，因为每日都拍剧，之前平安夜、圣诞节、除夕，全部都系拍剧，喺剧组中度过。”虽然要工作，但Ian都预先跟大家拜个早年，道：“祝大家新年快乐，身心健康，事事顺景，希望大家会钟意《再见宁静海》呢首歌。”

点撃睇更多MV靓相：