蔡少芬举家搬返香港乐做家庭主妇　上海冇物业否认放售3千呎豪宅

蔡少芬（Ada）和老公张晋今日到贺杨盼盼嫁女，一对新人拍拖15年后结婚，而明天亦是蔡少芬和张晋的结婚15周年纪念，当年杨盼盼亦有在场见证，觉得好有缘份。

蔡少芬在去年7月举家由上海搬返香港，她解释：“原本只系谂住留一段时间（上海），冇人谂到会last咁耐。老公喺𠮶边工作一个接一个，做《披荆斩棘的哥哥》又接电影，做得好密，但最紧要一样嘢，就系一家人喺埋一齐，一系你唔好做嘞，做就要喺埋一齐。”

蔡少芬指小朋友性格似她较开朗，好容易适应当地生活，她说：“佢哋唔系大，仲细，小朋友冇排斥，本身爸爸讲国语、婆婆爷爷又全部讲国语，对佢哋嚟讲都系生活嚟嘅。不过，中文程度唔及人哋，我就教唔到嘞….我啲国语讲到咁，哈哈。但老师好锡佢，人哋默书要20个字，但老师只考佢10个字，ok咗都当你100分，咁可以鼓励到佢，老师又温柔又体贴。”她指并非因为老师知道小朋友是星二代，“我哋都冇车，佢哋用校车返学放学，初初唔知嘅。”

有指蔡少芬在上海逾三千呎复式四房豪宅要急放租，她澄清上海没有物业，并说：“报道假，唔好信，上海都系租住。”她指是因为挂住香港家人，所以决定回港，她说：“我Daddy𠮶啲都老嘞，住咗都两年（上海）。试过有一次喺深圳做嘢，我望住对面，𠮶度就系元朗我屋企呀，点解我返唔到去，就系桥对面，我已经喊。所以同隔女老公商量过，都决定返嚟，唔系因为疫情，而系挂住屋企人。”而两个女现在重返之前的学校，见返之前的同学仔，蔡少芬都表示好感恩。

她笑言现在做全职家庭主妇，而老公为搬回香港亦牺牲好多，“佢推晒啲嘢陪我返嚟架，电影综艺哟，但都冇辨法，屋企又有事，佢都要返嚟陪我。我话‘冇办法嘞，你要为我牺牲架嘞，哈哈。’我依家就成为家庭主妇先，我老公，做嘢先返上去，我就两边飞陪老公仔女，除非有啲好吸引嘅嘢就玩吓啦，毕竟我都保刀未老，哈哈。”

蔡少芬表示有看《万千星辉颁奖典礼》，见TVB愈做愈好表示感恩，问会否返娘家拍剧？她说：“可遇不可求，其实我冇离开过呢行，不停有做嘢，如果TVB揾我，大家不妨合作，可以玩吓，我无所谓，不过正如郭可盈话斋，要夜晚几点就要返去交人，我都要交人，因为我好着重家庭。”