陶大宇梁荣忠回巢拍剧？　有兴趣《爱回家》：我哋两个入去查案

《万千星辉颁奖典礼2022》有不少巨星被邀请担任颁奖嘉宾，其中就有曾经拍档演出《刑事侦缉档案》的陶大宇和梁荣忠。两人接受《香港01》访问表现得十分风趣幽默，言谈问讲起返TVB拍剧，他们更笑言可以将《刑事侦缉档案》加入《爱 . 回家之开心速递》。

梁荣忠赞陶大宇：估唔到大宇会成为一个歌星

陶大宇表示上年曾经回到TVB在《搏爱》表现唱歌跳舞，梁荣忠就直言他已经是一个歌手。陶大宇听毕又说：“哗，你而家真系讲咩都同音乐有关！”梁荣忠说：“我估唔到大宇会成为一个歌星。我觉得应该系至尊金曲先啱。”被戴了一顶高帽的陶大宇也说：“得啦得啦，请食饭啦。”

梁荣忠返TVB：𠮶种温暖同埋回忆即刻出返嚟

梁荣忠表示，自己也有15，16年没有回到TVB。记者表示刚巧差不多时期入行，梁荣忠又玩开笑说：“就系因为你入行，所以离开咗，哈哈哈。所以一入嚟好得意，虽然咁多年冇返嚟，但系入到嚟个感觉好神奇，𠮶种温暖同埋回忆即刻出返嚟。”陶大宇也说，那些开心的，或是辛苦的回忆全部也涌了出来。

受“高层”邀请

这次是受曾志伟邀请而回TVB颁奖？陶大宇说：“咁一定系高层啦，唔系高层我哋唔嚟㗎，哈哈哈，仲要好高层。”梁荣忠续说：“我哋去到呢啲年纪，唉，有乜所谓呀。”他们也表示，实在很少机会一同出席大型场合，而且也可以亲身见电视上经常看到的艺人。

回巢拍剧都系要睇“高层”　陶大宇：因为我哋呢啲低层，就好难见到高层

梁荣忠也透露，近年工作主力做编剧和导演。被问道会否为TVB编写剧本，他还十分爽快地答应。他说：“呢个绝对冇问题啦，最紧要可以邀请到大宇帮手。”陶大宇补充道：“都系𠮶句啦，都系要高层同我哋讲，哈哈哈。”梁荣忠续说：“哈哈，去到呢啲年纪。”陶大宇：“因为我哋呢啲低层，就好难见到高层，哈哈哈。”

梁荣忠表示合作讲缘份

认真地说，梁荣忠表示合作最重要的都是讲“缘份”，他说：“对一个创作人嚟讲，绝对系一个缘份，有高层揾你，你当其时未必有状态做，可能𠮶排你谂唔到嘢。当你有状态，高层又可以唔揾你，所以能够合作到，真系靠缘份。”陶大宇则表示，合作最重要的是开心。他说：“要知道咩剧本，咩对手，预计到拍摄时间得到啲咩快乐，最紧要开心，我觉得呢样嘢先最重要。”

陶大宇、梁荣忠拍档拍《爱 . 回家之刑事侦缉档案》？

记者提议他们合作在《爱 . 回家之开心速递》中客串一两集，陶大宇接着说：“话唔定入面有个案件要我哋两个查案，系同丹爷有关嘅，佢屋企唔知发生咩命案。你知唔知丹爷喺刑事入面系我老豆。”梁荣忠：“系㖞！”然后他们就不约而同地说：“《爱 . 回家之刑事侦缉档案》，哈哈哈。”梁荣忠：“都唔知点做好，我都唔识写，哈哈。”陶大宇：“好快㗎啫，都系上下集半粒钟。”