【谁明做Gym心】张继聪改歌词撑肌男　网民：漏咗《举铁街》

讲起张继聪呢，大家都会记得他在《老表，你好hea！》饰演的爆肌男Mario，劲到连旧肌肉都有戏，自始之后阿聪就主力在戏剧上发展，但无论戏有几好，千祈唔好唔记得阿聪的真正身分系一个唱作人！

话说早排阿聪操肌时，心血来潮影低Gym Room的相放上Instagram，再写了几句恶搞歌词“举铁大过天”、“想和你去推推胸”，借此勉励一下各位“同是天涯沦落人”，点知有网民就歌兴大发，接龙一齐唱“一个唔小心.... 唱左出黎添...... 咁继续唱啰..... #举不举也日夜怀念 #很想和你再去推推胸虽然已是不同时空 。”真系见到都有声啊！

阿聪似乎受到网民感染，突然灵感爆发，隔了几日再做Gym又影多张相，不过今次就大派福利，连埋一张爆肌相一齐出：“见大家上次咁有创意，亦为咗一班钟意喺健身房自拍多过举嘢嘅朋友（包括我）作出些少贡献，我哋继续接龙，等大家举嘢嘅时候，心里面都会响起一啲歌曲，我先！#想和你去推推胸 #CaliforniaGyming #MyArmWillGoOn #对你推不完，仲有最后一吓嘅时候大声唱#咇it”

果然今次的自拍相成功进一步刺激粉丝，一日都未够就吸like近万，而粉丝的留言又点呢？一齐睇下：

“#Gym乐园 都得㖞”“#一个为你操爆旧腹肌的人”“#每天推机多一些”“#独自去推胸”“#围绕师傅已600天 #你有操fit过60秒吗”“#情深胸肌未曾推”“#不操脚罪名”“#谁明做gym心”“#原来她不够爱gym”“#推来推去”“#你是我推胸的传奇”“#同学爱操gym #推到大细边 #想不想也日夜来练 #嫌臀部也不够圆”

仲有改编自阿聪老婆谢安琪《囍帖街》的《举铁街》！阿聪睇嚟差唔多储够歌出操肌概念大碟喇！不过早排有网民都帮某健身教练创作了一系列的歌名，有几个名都有点相似，阿聪再努力点写更多原创歌啊！