“微辣大排档”投资高达8位数　六毫子透露半年收益：应该健康嘅

澳门人气YouTube频道“微辣”CEO兼创办人六毫子（陆志豪）去年年尾跨界搞餐饮，开设与热门节目《微辣大排档》同名餐厅，于今日（3日）正式剪彩开幕，六毫子表示，其实三年前已经有这个计划，奈何因疫情不停推迟，现在终于都等到大家有时间齐聚一堂，开张营业。

整个餐厅分有四个区域，包括旧式冰室、港澳渡轮雅座、麻雀馆以及地铁车厢，非常花心思，尤其是麻雀馆的麻雀，“真系逐粒逐粒砌出嚟，每一只麻雀都系用我哋个元素去做嘅”，六毫子介绍道：“我哋嚟紧陆续会多啲过嚟，多啲活动去做畀大家一齐玩，咁其实大排档系一个好笑、好玩嘅一个节目，咁希望大家都可以喺呢个节目上嘅一啲文化元素可以带到去实体𠮶度。”

六毫子透露，其实整个餐厅投入了8位数：“因为始终可能系香港嘅地方有好多成本上面嘅嘢都系比较高，咁但系我哋都觉得系值得嘅，因为做出嚟成件事大家都好满意，希望我哋愈做愈好，都欢迎多啲食客、观众畀多啲意见，令我哋做好啲。”由5月尾营业至今差不多半年时间，餐厅的收益似乎都不错，六毫子笑言：“应该都健康嘅，因为我就冇睇个数字嘅，我谂如果真系唔健康佢哋应该都会同我讲嘅，希望系健康。”

明年是“微辣”创办10周年，提及会不会大肆庆祝，六毫子直言有计划：“我唔够胆喺呢度立flag，因为疫情呢三年我都好对唔住一啲观众，我哋应承过大家好多嘢，讲过好多嘢，但有好多不可抗力嘅因素我哋真系履行唔到，完成唔到，同埋延迟，2023年我就会有好多project去发展出嚟，就希望用我哋嘅行动去证明比大家睇，我哋做一件事可以做多10年啰，20年之后，就算几难行，我哋都会继续努力去面对。”

去年圣诞六毫子大扮“圣诞女郎”，令不少网友笑爆肚，他扬言今年要劲爆过“圣诞女郎”，目前正在构思，相信又会带给大家惊喜！