葵芳邨斩人｜伤者“滴晒血”冲入粥舖求救　女职员：我手震晒呀！

葵芳邨昨晚（12月1日）发生的斩人血案，33岁男子在停车场挨斩后，负伤冲到附近一间粥舖求救。有女职员惊魂未定称：“我手震晒呀，成个人做唔到嘢呀，又想呕呀闻到啲血味！”她又指，担心有其他人冲入店内，一直胆颤心惊施援，部份食客则被吓至鸡飞狗走。

粥舖一名女职员忆述，伤者并非熟客，当时他突然负伤冲入店内，“滴晒血！一个叫我报警，一个叫我攞嘢畀佢（伤者）止血！咁我梗系冲去攞嘢畀佢（伤者）止血先啦！”她指，伤者右手浴血，亦不清自己有否其他部位受伤，“佢（伤者）都晕晕哋咁，滴好多血！”

该名女职员犹有余悸，口震震表示：“梗系惊啦！因为我惊放佢（伤者）入嚟，会有人冲入嚟吖嘛！我手震晒呀，成个人做唔到嘢呀，又想呕呀闻到啲血味！”她边担心边向伤者施援，伤者亦向她借电话致电家人。

职员指，当时有部份食客被吓至鸡飞狗走，部份人则被阻挡去路而“唔敢走”。据了解，事发时一片混乱，店内“辣酱”亦翻倒凳上，犹如与伤者血渍二合为一，事后职员忙于清理。