洪嘉豪演唱会大哥哥张敬轩做嘉宾　骚少少腹肌约定大家下次红馆见

洪嘉豪（Kaho）的个人演唱会《AXA 呈献 The Cycle of…Kaho Hung Live 2022》昨晚（13日）于安盛竹翠公园举行尾场 ，张敬轩现身做嘉宾，合唱《骚灵情歌》，令观众兴奋万分。Kaho拥著轩哥哥，激动说，“上次你送枝咪比我，希望我可以系自己骚到用，我做到啦，我终于有自己个骚，请到你来做嘉宾！轩哥，你等我，下次我去红馆我再请你！”获全场狂热欢呼！昨晚演唱会还有不少艺人都有前来捧场：MC 张天赋、AK江𤒹生 、肥仔梁业、jeffrey 魏浚笙、白只、苏丽珊、JUDE(曾若华)、Jace(陈凯咏)及Yanny(陈颖欣)等人。

昨晚《骚灵情歌》音乐响起，轩公人未出场，观众已经兴奋狂叫，Kaho笑道，“咁快知，咁一阵叫大声D”然后唱起《骚灵情歌》，轩公出场当然就震憾全场，唱毕两人相拥，Kaho坦言，其实一见他身影于舞台上出现，已经想喊，不过《骚灵情歌》不简单，不想唱不好失礼，所以唯有一直死忍。Kaho话，“我第一个骚好想同好重要的人分享第一次，轩哥，我识你二十年，我点会估到有呢一日，可以请你做嘉宾，重要拿著你枝咪㖞....”轩哥非常搞笑回答，“好开心我枝野，可以晚晚陪住你...哈哈哈”引得观众也欢呼连连，“我刚同Kaho拍左两个月戏，佢平日系剧组串串贡，今日做咩咁谦虚， 我地“超神经械劫案，Jeffrey（魏浚笙）、白只，重有好多人，今晚机乎成个剧组来晒撑你，劲呀你。”Kaho: “唔系呀，我边有串，系白只佢地搞到我咁...哈哈”

轩哥：“其实Kaho对我来讲，真系亲生细佬咁，我识佢个阵佢毛都未有...哈哈，唔系，系中学都未读，重读紧小学。每次讲开kaho，系佢妈咪眼中口中呢个仔都系洪家骄傲，钢琴又叻，有天份，之后佢读演艺，你问我，系Kaho音乐事业上面，我冇帮佢太多，今日佢企到系台上，真系全靠佢努力同大家支持。你睇今晚直情好似去左韩国睇音乐会咁，好靓！”Kaho闻言即说，“ 我想同你讲，上次你送枝咪比我，希望我可以系自己个台唱歌，我做到啦，多谢你。轩哥，下次！我红馆我再请你！”获全场狂热欢呼！轩哥见Kaho咁有志气，即再来一个大力拥抱。

Kaho去换衫，轩哥又再给Kaho光环，“我真系好戥佢骄傲。Kaho演艺毕业之后，佢由低做起，做过舞台音响等等好多基层工作，佢唔同一般歌手，同龄新人，佢冇一份浮燥。我记得有一次我系澳门演唱会，我想落台听下音响声音，心血来潮我叫Kaho，上台帮我唱试下声，等我可以系台下面观众席听下，佢惊都冇惊过就载上Ear Mon，拿住我枝咪就唱左以下呢首歌，之后我每次再唱呢首歌，中间一些节奏及乐曲上处理，我都系跟洪嘉豪版本，同CD版有唔同，呢D所有不同，都系由洪嘉豪而来，为大家送上以下呢首歌: 《樱花树下》。”全场又再欢呼声掌声雷动。

安歌部份，Kaho收礼物收到手软，歌迷又不停叫 Kaho除衫，Kaho最终应大家要求，拉起少少360度转齐比歌迷享受佢少少腹肌，要再多d ？下次红馆见！