东张西望｜拒照顾中风女儿　母亲疑独吞伤残津贴：我大把钱

今晚播出嘅《东张西望》，访问了曾为健美小姐Kit及其婚夫Ron。31岁嘅Kit原为健身及瑜珈教练，但去年10月健身后突然作风，出事后，Kit失去说话能力，左边身体可以有限度活动。

Kit原来系患有遗传性脑动脉血管瘤，中风后左脑动脉被切除，左边头盖骨至今仍未缝合，之后亦需要再做手术，预计花费50多万。Kit出事至今，一直都系靠未婚夫照顾，Ron接受访问时表示曾经联络过Kit妈妈，但对方态度十分冷淡。“妈妈话自己工作紧行唔开，真系赶唔到过嚟，就算嚟都帮唔到手，然后就无过嚟，不了了之。直到做完手术第三、四日，妈妈都系好少睇佢。”Ron由于工作关系，希望Kit妈妈可以帮手照顾，但对方以“好忙”为理由拒绝。但另一边厢，Kit妈妈十分身积极申请女儿嘅医疗津贴。

“妈妈去拎呢啲支援时就好爽快，但拎完就冇拎返出嚟，所有开支都系由我一个人负责。到我问佢拎钱，咩理由都有，收唔到、冇申请、唔识用柜员机、唔知银行喺边。”Ron独力承担照顾嘅重担，他坦言曾经都有谂过放弃。“但如果我连一个自己认定嘅人都话放弃就放弃，点面对自己父母？”吴幸美其实揾到Kit妈妈，对方坚持话自己“唔得闲”，问到会否担心女儿，她表示“佢冇讯息俾我、又冇打电话俾我。”之后更拎出保险箱，并声称“我自己有钱、大把钱。唔需要佢养我。”