大肠癌丨化疗后食梅菜扣肉惹争议　苏施黄：香港人好多钟意扮医生

苏施黄早年曾战胜乳癌，近月再发现患上大肠癌第三期，向来性格乐观的她正积极接受治疗。前日（4日）苏施黄入院接受第一次化疗，身为食评人的她胃口大开，化疗前食焗猪扒饭，化疗后再食梅菜扣肉煲仔饭，她在Facebook上载美食相后留言：“庆祝先，好正、好好味道呀。”

食得如此油腻，不少网民都担心对苏施黄健康有影响，留言劝说：“化疗，要食得清淡，祝早日康复”、“梅菜扣肉系好好食，不过唔好食太肥，有胃口就食多几啖饭啦，饮多啲汤水啊！”等，但亦有网民力撑：“想吃就吃，不要戒口，身体需要体力去战胜！”

昨日（4日）刚出院的苏施黄接受《香港01》电话访问，笑言“好多人钟意扮医生”，苏施黄表示拣选食物前有先询问医生意见，她说：“我唔会咁蠢乱咁食㗎！不过我所有啲朋友呀、亲戚个个都扮医生。其实我系问过医生，佢话食乜都冇所谓，食乜都得，最紧要我肯食已经系非常之好，佢话癌病最怕人食唔落嘢，食得落仲叫你唔好食？唔系话！香港人好多钟意扮医生，send好多嘢畀你，我有咁嘅医疗方法……唉，真系有病呀！”

回家后，苏施黄亦有食清淡一点，选了猪肉丸粥填肚。她表示暂时未有太多副作用，只是打了化疗针的右手前臂开始有点麻痺，后扩散至左手手指及脚趾，仍要观察情况：“暂时冇作呕，但医生话我哋㖊日（前日）打咗止呕针，又打类固醇，又打咗防敏感针，所以药力未过唔会觉作呕；但口服Chemo（化疗）可能会令你作呕，所以过多两、三日睇吓系咪仲咁龙精虎猛。”她透露医生吩咐两星期后，视乎情况才知道可否做运动。

疗程共分为4次，每三星期做一次，而明年2月17日是苏施黄的68岁生日，她直言不想在治疗中庆生，她说：“我话‘医生唔好要我生日做化疗’，佢话‘OK，农历生日前同你搞掂佢’，所以好开心。”