打天下2｜欧锦棠再向难度挑战 空手道奥运铜牌刘慕裳落实参演

撰文： 邝钰莹
出版：更新：

ViuTV剧集《打天下2》今日（4日）喺西贡进行开镜拜神仪式，欧锦棠、谭善言、江𤇹生（AK）、邱傲然（Tiger）、钟舒漫、郭奕芯等均有出席。欧锦棠接受访问时表示自己虽然系监制、编审，但如果没有谭善言嘅参与，续集好难拍得成。“佢系灵魂，当然AK都好重要，一定要有佢。”谭善言笑言虽然已放下武功一段日子，但欧锦棠都会将她迫到尽。“当得做到之后，又再加另一样嘢，所以都系永远向上挑战。”棠哥在旁表示已经开始与练功，而对方亦达到自己嘅要求，又指谭善言系一位被演戏耽误了的武术家唔。“谭姐今次嘅动作场面系无女星做过。”

《打天下》开拍续集，除加入Tiger 之外，香港空手道一姐刘慕裳亦会参演。(胡凯欣摄)

棠哥透露《打2》的动作场面比上一季更激，如果10级的话会有9级，而AK嘅打戏系最多。“仲要除衫，今次佢条裤会短啲，同埋有埋身肉搏。佢同Tiger 系死对头，今次系我第一次同佢合作，佢比我好大惊喜，除咗演技之外，我起过佢底，原来系少年武术冠军，所以系好好根底，记动作好快。”

郭奕芯富二代男友Brian 低调到场，二人其后应传媒要求企定定合照。(胡凯欣摄)

棠哥又指为了视觉效果，《打2》除起电影班底之外，亦有不少镜头一镜到底，对演员来说很有挑战性。“另下一月会去日本取景 ，占嘅集数都有几集，所以会留得耐啲，亦会有好多日本知名演员参与。而上一季好多人都提议嘅刘慕裳（Grace），今次都会参与拍摄，好开心。”与奥运铜牌得主有对手戏嘅谭善言大赞Grace 文戏了得。“由佢讲返运动员经历系好感人，头几日拍时好surprise 。”

欧锦棠大赞Tiger 非常打得。(胡凯欣摄)
空手道奥运铜牌刘慕裳落实参演 。