野人老师．专访︱郑丹瑞时隔八年拍剧　首与MIRROR合作即有怨言？

MIRROR自7月红馆演唱会事故后，所属公司MakerVille宣布组合休团两个月，近日部分成员开始在IG“复工”，而ViuTV剧集《野人老师》是MIRROR停工后首部播出作品，亦是邱士缙（Stanley）首次担任男一的作品，因此引起不少网民讨论，而在剧中饰演Stanley父亲的郑丹瑞（阿旦）亦备受关注。

现年67岁的郑丹瑞幕前演出经验丰富，但在相对之下就甚少参演剧集，撇除《野人老师》，对上一次拍摄长剧已经是2014年无线（TVB）剧集《女人俱乐部》。时隔八年再次出山，却选择与从来没有合作过的ViuTV共事，他接受《香港01》访问时便透露接拍《野人老师》的原因除了是故事内容有趣，更因为希望可以与MIRROR合作：“我好想去睇下，咩料呢咁劲嘅你哋，我想亲身观察佢哋，听到听得多啦，我都系最近系分得清佢哋12个，最红最劲个阵我心谂‘边个MIRROR啊。’”

郑丹瑞与Stanley之间的“父子情”因好奇而缘起，这次的合作令阿旦对他们刮目相看，他解释到当时Stanely除了要拍摄《野人老师》，另一部剧集《季前赛》亦进入尾声，在两个剧组之间频扑非常辛苦，但是Stanley却保持演员应有的质素：“有次我同朱栢谦、河国荣倾紧套剧要点做，我见佢几攰都好都会拎张凳过嚟系旁边听，佢都想吸收，真系有心去学。”另外，经过多次合作后，阿旦发现Stanley不是徒有虚名：“首先，有带脑、熟读剧本，又冇迟嚟早走，有时候我啱啱到，佢已经化紧妆，系一个好准时、好认真嘅人。我最怕啲人带剧本入场，你冇理由要再睇剧本，咁我就见唔到嘅。”

郑丹瑞大赞Stanley演技有水平，二人之间的父子戏充满火花：“佢有仔嘅感觉俾到我，呢个好紧要，似唔似两父子好紧要。”又表示Stanley称得上是“演员”：“被人叫得做演员你系要骄傲，佢可以放低身上的包袱，然后行入嚟做演员要做嘅嘢，真系好难得。”被问到陈瑞辉（Frankie）的演技如何时，阿旦表示自己与对方没有对手戏，因此没有合作机会，不过一提及到Frankie，阿旦就“大动肝火”：“佢就好啦，因为佢（剧中）系富二代，所以有冷气房叹，又同剧入面另一个女主角（罗允芝）好多亲密戏，我睇剧本都睇到眼火爆。”

其实，郑丹瑞讲到冷气房就如此激动是有原因的，事关当时他与Stanley一样，需要拍摄《野人老师》以及另一部戏，而不幸地两套影视作品都需要在烈日当空下开工，为此郑丹瑞大吐苦水：“因为大地小学已经废置咗，所以系冇冷气，得一个风扇掌管咁大个地方，所以我系𠮶段时间中咗两次暑，一次系电影，一次系剧组。”因此阿旦比以往消瘦不少。被问到《野人老师》是否入行多年最辛苦的剧集时，他就回应：“其实入行都有好多辛苦，但系后生嘛，我唔记得自己已经唔系后生仔，因为我见住Stanley，佢都得，我都得！我谂住我系（MIRROR）第13个，谁不知真系年纪大。”

不少观众认为郑丹瑞的“TVB味”非常强烈，被问到第一次与ViuTV合作拍剧，已经要对撼无线（TVB）台庆剧《美丽战场》，会否感到压力及尴尬时，郑丹瑞回应：“到宜家都系，好多人仲都以为我系TVB，其实老实讲大家都系朋友，我又唔使签约，我下个礼拜又返去TVB教训练班，宜家已经好Open，唔会有尴尬。至于剧集对撼完全唔关我事，因为我系套戏入面我都冇谂过几时出街，所以对我本人冇乜意义。”

点选下图看更多相关图片：