193@ERROR再回应“Cafe呃钱”论：要平就唔好去Cafe，去食两𩠌饭

男团ERROR成员郭嘉骏（193）一向敢言，亦从不怕与Haters直接对骂。今年4月，他于友人于土瓜湾开设日式精品咖啡店，引来大批粉丝排队撑场。可惜开张不久即被食客投诉食物质素差又贵，一份98元的招牌蛋治只有一半馅料，与宣传照完全不同，狠批他的Cafe“呃钱、揾笨”，当时193回应指：“Cafe一向呃钱”，言论引起网民热议。

日前，193现身YouTuber霍哥的网上节目时，再回应当时食客的批评：“一开幕𠮶阵好鬼忙，佢哋（员工）又做唔切，做唔切嘅时候冇切到底啲包，又冇乜汁，啲人就投诉，摆上网闹我哋，话我哋有半嚿都斋系包嚟。我都废事回应𠮶啲人，嚟得Cafe系咁呃钱㗎啦，你情我愿㗎嘛呃得。”

随后又批评投诉的网民是“成本X”：“网上啲毒男会同你计成本，会话‘哗！呢个成本5蚊，加埋10蚊咋㖞，佢卖到咁贵’，佢唔谂吓我呢间舖要几多钱租，仲要装修、人工要几多钱。好多‘成本X’我会叫做，𠮶啲人我唔会理，因为佢哋讲得出呢啲嘢，根本就唔会出街食饭，剩系喺屋企煮𩠌，咁佢梗系觉得平啦所有嘢。”而193补充已改善食物质素，又研究如何做到最佳口感令食物更美味：“我明白排咗个零两个钟，仲要食啲咁嘅嘢好失望，所以我哋而家好足料，店员得闲番啲就可以做个好靓嘅包畀大家。”

霍哥大赞193直接闹Haters是勇者无惧，193指：“我惊咩啫，你闹我，我又系咁样赚钱，闹我啲人都唔会嚟我Cafe。如果你要平就唔好去Cafe啰，去食两𩠌饭。我讲事实，我都成日食两𩠌饭，食烧味饭、两𩠌饭都系廿零、三十蚊，要平就系咁，要舒服啲嘅环境就要畀番相应嘅价钱，呢个系生意嚟，讲得出𠮶啲系冇做过生意。”

点撃睇193回应网民抨击：