徐荣父子档出活动赚学费　爆15岁囝囝有心仪对象：外国人都唔紧要

足球男神黄威及徐荣父子现身商场活动，三人即场大骚球技，黄威和徐荣15岁仔仔，，正在英国接受足球训练的Karson一见如故，未开骚已经切磋球技，更成功“通坑渠”令黄威“扁嘴”。黄威笑言习惯做“男神”，女友未有呷醋：“我唔抗拒做艺人，只要唔影响踢波就可以。依家多咗人识，女友都好支持。头先同Karson通坑渠，佢通咗我一次，我即时反击通翻佢两次，所以系二比一！”讲到另一港足男神安永佳北上发展，他笑言未会吸纳对方Fans，指对方粉丝忠心跟随北上支持。

2020年9月徐朗疫情下远赴英国留学，徐荣希望儿子专注足球训练，选择远离伦敦，位于英国南部布莱顿（Brighton）的寄宿学校。徐荣话多年没与儿子同场做活动，一齐开工帮补“酒店钱”：“其实我地都唔洗挨贵机票，因为一早订好晒，反而隔离酒店最难订。早排系太太结婚周年纪念，其实佢都主张我努力揾钱，所以有时间先庆祝，她明白嘅！。”

提到儿子英国读书时曾确诊，但见他没太大不适未见紧张：“因为佢都打晒针先出发，所以都唔系太担心。我听亚仔讲佢依家有心仪对像，但系咩国籍就唔知喇，系外国人都唔紧要，真系冇乜所谓，最紧要佢地沟通到就可以。”