李日升呻操大只后生活大受影响　奉劝健身前要三思：不可一不可再

现年30岁、童星出身的李日升自从于2020年离开TVB之后，由演员转型成为一名健身教练，现时形象亦与之前180度大转变，操得满身肌肉，令人难以想像他就是当年《城寨英雄》中的弱能人士“小智”。然而，他分享自己变大只后生活上遇到的不便，并以自身经历奉劝各位有意练大只的朋友要三思：“如果唔想为生活带嚟呢啲不便，就请三思而后行！”

李日升形容开始健身简直就像“踏上不归路”，例如经常周身肌肉酸痛、穿衣服愈来愈少布、人变得愈来愈有自信和乐观，又笑称自己像个痴线佬：“日常生活方面，一有重嘢搬就不自觉咁冲出去搬，一来内心根本压抑唔住啲男子气概，二来就系如果呢啲时候唔岀力，好似愧对咗咁多只为你提供蛋白质嘅鸡嘅生命，内心好挣扎；社交方面，朋友耐冇见，一见又会笃吓你个胸，又叫你谷，大佬呀谷谷谷谷乜鬼，可唔可以唔好净系睇个胸，欣赏下我其他方面，人体的肌肉有成六百几条㗎。”

他表示有时都会因为太大只而引起误会，令人以为自己有意show off：“有时拎起个电话㩒，隔篱𠮶个又会好燥咁叫你‘唔好再谷只手臂喇，叻喇叻喇~’，仲有一啲失控行为，例如行过所有反光嘅物体都不自觉咁样沉醉喺自己嘅身形嘅影像入面，影响专注力，明明冇汗都要拿高件衫抹汗，就算呼吸困难都要著细一个码撑爆件衫等等。”因此他希望大家开始健身之前要谂清楚：“所以我奉劝各位开始操野之前谂清楚，如果唔想为生活带嚟呢啲不便，就请三思而后行，健身呢坛嘢，真系不可一不可再！”