胡枫开红馆请唔到谢贤：做影帝之后就联络唔到

胡枫（修哥）将在9月举行“修哥 90 迎金秋 无限枫骚演唱会”，今次除咗系修哥以90岁高龄5度踏上红馆舞台之外，今日喺记者会上，李克勤、姜皓文、欣宜等人都有拍片祝贺。而修哥更闸场预告将会有逾80位嘉宾，阵容绝对系红馆历年之最。由于开骚当日适逢中秋节，为咗让修哥以及观众可以与家人团圆，开骚时间将定在下午三时，修哥更讲到明唔会encore 。

修哥接受访问时，透露平日会边散步边唱歌，可以说是随时准备开骚的状况。“预计会唱30首歌以上，不过唔知会唔会cut我歌，因为有嘉宾，所谓80个嘉宾其实都系好朋友，我唱时佢哋一齐jam歌。”问到契仔学友会否到场，修哥表示4年前自己开骚时，由于学友人不在港，故特意每晚用卫星实时连线与他对唱。“我好开心，以为唱一晚，点知佢两晚都咁做，我好感动，佢无啦啦为咗我使几廿万，我真系好唔好意思，所以每次见佢都叫唔再搞。（会唔会请男团MIRROR或Super Tiger 做嘉宾？）呢个真系要由系主办方去决定同联络啦。”

好友谢贤（四哥）早前荣升影帝，问到有否致电祝贺，修哥说：“佢无听电话呀，我有留言恭喜佢，我之前仲同佢食午餐，但做影帝之后就联络唔到，真系岂有此佢。（知唔知佢身体状况？）都唔知佢身体状况，因为都无联络到。”