全民造星V｜传MIRROR赴海外帮手拣蟀　Edan：冇我哋份

MIRROR成员吕爵安（Edan）、王智德（Alton）以及邱士缙（Stanley）等演员今日（5/7）现身ViuTV宣传下周一播出的新剧《I SWIM》，吸引数十名粉丝在场外等候。虽然剧集主打一众小鲜肉的爆肌身形，不过三子却打扮得非常密实，Alton笑言：“我有谂过今日会唔会系泳裤、泳帽咁样出嚟。”Edan听后哗然并表示泳裤造型当然要留待剧集出街：“而家睇蚀底晒，留返新鲜感喺套剧。（收视好会唔会着泳裤示人？）Stanley会咁做，哈哈。”Stanley秒速回应：“阿George会咁做（欧镇灏），到时出街你一定会望阿George，最特别。”

他们接受访问时透露为角色苦练游水，Edan自信指技术有大大提升：“我同Stanley进步幅度应该最大，因为本身实在太渣，都有苦练…本身只脚掂唔到地就会惊，今次都克服咗。”Stanley说从未学过游水，但收到剧本得悉要饰演游泳高手后便立即苦练：“大家一齐练就3日到，我同Edan会额外加操一节，一日都练4、5个钟，我要四式识晒。（Edan：本身识自由式同蛙式，学埋背泳。）”

剧集未出街已得到广泛关注，Edan坦言对收视有期望：“成个团队都超级专业，成个制作组都超级落力，拍出嚟真系好好睇，我哋都偷睇咗少少，都觉得好精彩，相信大家都会钟意。”Stanley更直言可以媲美Netflix：“电视电影级别，又系10集。”

MIRROR红馆演唱会将于本月底举行，三子表示排练进行得如火如荼，Alton说：“㖊晚排到两，三点先启航返屋企，返到去冲个凉都4点。”Edan惊觉只剩下约20日的时间：“进度暂时都未乐观，前排先正式齐人，齐人先排到group item，唔齐就要再排多次，而家先真真正正排12个人嘅item，目标系尽快排晒齐人就可以专心练个人项目。”有传MIRROR将到世界各地为《全民造星V》拣蟀，Edan坦言：“冇我哋份”，Alton说有听过这个消息：“但人脚上我哋三个就帮唔到啲咩。”