古巨基大赞吕爵安假音一流　Edan学生Look拍MV︰感受到前夫嘅感觉

古巨基6月22日正式推出《I Really Love To Sing》合唱专辑头炮，请来吕爵安（Edan）合作打头阵合唱《飘流教室》。MV女主角则邀来八十年代女神柏安妮的十七岁女儿、新晋女演员许恩怡（Natalie）担任。

基仔于2003年凭《必杀技》夺得叱咤乐坛流行榜“叱咤乐坛我最喜爱的歌曲大奖”，他在颁奖台上留下一句经典金句“我真系好钟意唱歌……”，基仔表示《I Really Love To Sing》企划便是源自这句话，“真情流露的一句说话，亦都系心底话”。基仔表示已有几年没有推出唱片。这个project以“我真系好钟意唱歌”为题是因为他觉得音乐市场即使比以前辛苦，但仍然有很多很努力的歌手和音乐人继续唱、继续为梦想而努力，“而我自己亦系其中之一，所以呢个project就咁样命名。今次邀请咗唔同曲风嘅新晋歌手一齐去完成呢个project，系一个全合唱嘅专案。”

至于邀请Edan合作的原因，基仔谓：“《飘流教室》当年冇被成为主打，所以喺今次project度，我好想揾一个心仪嘅人去同我一齐唱呢只歌。今次嘅新编曲系好classy，配古典钢琴咁。上次睇Mirror个show，Edan solo𠮶part钢琴自弹自唱令我好深刻，所以我就觉得系非Edan莫属。”Edan亦受宠若惊：“真系好开心今次呢个合作。从来冇谂过，当初好记得花姐同我讲：‘喂！古生话想揾你合唱㖞，你肯唔肯呀？’哗！梗系好啦！因为未试过同一个大前辈合作，同埋我细个都有听古sir嘅歌，所以我觉得呢件事系好神奇。”他更表示录音期间“学到好多嘢”：“古sir每一次都会嚟监制我嘅录音，俾咗好多指导我，舒文监制都系，所以令到我对唱歌多咗好多谂法。同埋古sir真系好贴心，我问佢啲乜佢都好乐意去教我、帮我，所以好多谢佢。”而基仔在回忆二人在录音室时的点滴，对Edna赞不绝口：“我记得佢话知道自己唱歌未必系最好，所以只要有其他唔同嘅机会，佢一定会好愿意同埋俾心机去试！系一个好谦虚、好勤力嘅艺人。喺录音过程里面，我发现Edan喺假音上系好好，拥有一把好靓好滑溜嘅假音。”

至于MV其中一幕，是讲述Edan跟心仪的许恩怡（Natalie）去基仔于CD舖所举行的新碟签名会，Edan笑说：“今次感受到‘前夫’嘅感觉，即系陪个女仔嚟见自己嘅偶像。”而基仔则演回本尊，当他一踏进CD舖，回忆立即番晒嚟：“见到啲海报、自己啲碟，就谂起好耐冇做签名会！好怀念。”基仔觉得这个MV很有穿越感：“MV呢幕讲番2012年《告别我的恋人们》呢一只碟出嘅时候，我特登整番𠮶个发型，连件褛都系揾番当时宣传𠮶件褛，（Edan：真㗎？）我仲着得落！即系冇肥到！哈哈。”基仔又分享到达拍摄现场前的一件小趣事：“因为穿越关系，出呢只碟嘅时候我系未结婚嘅，头先一落车嘅时候，古太同我讲：‘喂！你除咗只戒指佢先啦！你𠮶阵时未结婚㗎。’咁我就除咗啦，哈哈。”