声梦传奇2｜医科生赵小婷受许廷铿启发：点解做医生唔可以做歌手?

无线（TVB）歌唱比赛《声梦传奇2》今日（28/4）举行记招，宣布比赛将在6月11日举行，并安排23位参赛者先与传媒见面。其中一位是21岁的赵小婷（Pamela），她过去都不时把翻唱片上载到社交平台，唱功了得背后，原来她也是一位港大医科生。

Pamela接受《香港01》访问时，坦言今次参赛是受到《声梦1》影响：“见到上年嘅学员都对自己有信心，喺舞台上面发光发亮，而我平日都会喺社交平台分享自己唱歌，谂紧我系咪都应该企出嚟，试下挑战自己呢？”她坦言医生和歌手两种职业看似代表两种极端，但其实没有冲突：“好多人嘅刻板印象都系，做医生系极度现实，或者最脚踏实地嘅事；做歌手就系典型追梦、不切实际嘅职业。但系呢两样嘢唔一定有冲突，一个钟意唱歌嘅人都可以读医，希望可以用自己例子话畀其他人听，唔一定要二择其一，自己要做好自己所有嘢嚟兼顾。”

Pamela下个学年开始就要到医院临床实习，她坦言要趁著尚未需要实习的时间参加比赛，挑战自己，目前也开始自学下一年的学习范围，争取更多时间备战。谈起现时兼顾牙医和歌唱事业的许廷铿（Alfred），Pamela直言今次下定决心报名，正是因为朋友用Alfred的例子鼓励自己：“Alfred畀咗好大嘅启发我，因为最初参加都有好多担心，有朋友就用佢嘅例子说服我。佢做到牙医又做到歌手，点解之后唔可以做医生而继续做歌手呢？”