【鲁芬设灵】殡仪馆外隔空教仔　祥嫂：我惊佢失礼伶王呀

已故艺人鲁芬今日设灵，她身前一众好友相继前来作最后致敬，包括八両金、曾志伟等，连祥嫂都有前来送别好友。祥嫂在灵堂外接受访问期间，有记者问到祥嫂对兆尊享齐人之福，有个红颜知己有什么看法时，祥嫂就愈说愈激动，“….我真系辛苦，我希望大家怜惜我，好唔好，我阿仔三个红颜知己，呢啲系好事，我个仔人见人爱，亦系新马仔个仔，再其次手上又有…难得，或者4个、6个仲应该，仲后生㖞，下话…（之后问身边的黄夏蕙）我仲应该点答落去，（祥嫂开始激动）咁我要维护我啲仔㗎….但应该点答先得体㗎….你哋唔好笑、挖苦佢（兆尊），好唔好，我要求你，畀番一分友谊畀祥哥，睇在我份上，我都好挂住佢哋，系唔系？”

之后祥嫂泪流满面喊住讲兆尊，她说：“兆尊今日出嚟承认呢…佢系有苦衷㗎，佢想返出嚟做工作，想入番娱乐圈呀，佢哋唔知系边个蚕虫师爷度条咁嘅桥，叫佢逐一带出嚟，一拖一、一拖三咁出嚟，咁样搞，唔好咁啦，兆尊，啲男仔睇到你亦都会话你晒命下？你同澳门个华哥比呀？天同地比啦！各样各样…. 人，唔好同人比。仔，你有本事唔好俾啲女人唠唠叨叨呢，几多个，妈咪都赞成，支持你，总之你应付得嚟，唔好俾啲兄弟姊妹笑你呀…我本来唔使想㗎，但我真系，经过咁多嘅折磨，我惊佢失礼个伶王呀，我系佢老母嚟㗎…. 我要讲得好得体，亦都要讲事实。佢呢个系一个方法嚟，想返娱乐圈，希望你哋留一点情畀新马仔，佢做咁多好事，帮尽咁多人，亦都等如帮我祥嫂，我啲仔女唔曳㗎，冇争过家产，佢应得嘅，系我唔啱啫，揸得咁紧……”