IT狗｜神还原《英雄本色》经典场面 网民直言：睇到眼湿湿
ViuTV节目《IT狗》由凌文龙、陈汉娜、岑珈其、陈湛文、余逸思、彭秀慧、MIRROR成员Lokman（杨乐文）、Frankie（陈瑞辉）、Stanley（邱士缙）主演等人，剧本播出一星期，不少观众都说胶得来好笑，观众仲劲好钟意剧中疯狂抽水明寸香港社会现象。
昨晚（19/1）播出最新一集引起大众回响，事关当中有一部分为致敬周润发主演的《英雄本色》，男B（陈湛文 饰）辞职后扮Mark哥中枪，跛下跛下在停车场食饭盒，当然佢只系话脚痺，网民大赞镜头、服装以及造型都跟得很足，相信一齐都归功于简君晋导演。
该集播出后，扮演Mark哥的陈湛文都有在个人Facebook发表“深宵感触文”，他写下“今晚ep8，我谂我哋全team都既紧张又期待呢一幕，虽说呢一幕有戏仿成份，但我同 凌文龙拍摄时其实好紧张，就正正因为佢系《英雄本色》、正正因为佢系狄龙、正正因为佢系周润发，佢哋都系站于香港电影界一个好重要嘅位置。呢一幕系简导由衷想向《英雄本色》致敬嘅一笔。能够成为向经典致敬嘅一员，喺感动万分之余，伴随住嘅系见到一种曙光……因为曾经有一段时间，纷纷众说‘青黄不接’，我唔敢讲我哋接到／接咗棒，但我想讲而家已有一班傻佬傻婆不继咁开拓、探索紧一个未知嘅新世界。”p.s. 鸣谢太太身怀六甲时探班影嘅相。
点击睇《IT狗》跟《英雄本色》对比图：
早前剧情讲到凌文龙希望得到彭秀慧的青睐，采取投其所好，hack入佢电话睇到众多自拍中得一张合照，而当事人正是冯德伦，所以在彭秀慧上凌文龙公司前就贴满冯德伦的照片，最终彭秀慧忍唔住问大家系咪好钟意冯德伦，解开误会后她讲到：“佢系我大学同学嚟！”戏中她最钟意的其实是姜涛！
而彭秀慧都有在个人Facebook澄清自己同冯德伦并唔系大学同学，她写下：“唔好再问啦，我同冯先生唔系大学同学，我唔识佢㗎。不过呢张合照先系真嘅，大家有冇留意，冯先生（的名字）都有出现喺《29+1》电影？”
而冯德伦都有在个人IG表示：“下次唔好用我张相，直接叫我嚟拍啦！”更有tag埋ViuTV董事兼总经理鲁庭晖添！