林盛斌自爆曾被看更认错是卢海鹏：阿伯你啲白内障好严重㖞

阿Bob林盛斌今晚在九展举行首场楝笃笑《The Bobfather2021》，席间阿Bob不断玩自嘲，制造笑料，当中以自己在电视行业久了，知名度开始有所提升，反而闹出不少笑话，他说：“早两三年前我同助手去到柴湾，一座工业大厦拍广告，等紧lift嘅时候，有个七、八十嘅阿伯看更出嚟，佢一见到我大叫‘大明星’㖞，我叫佢唔好咁大声啦，‘你未死架咩?’我觉得佢打招呼方法咁特别嘅?我话未死架，等埋你呀，‘咁耐唔见你做电视嘅?搅咩呀?’我话唔系呀?你睇咩台呀?你睇ViuTV?𠮶到真系冇我㖞，‘唔系呀，你做无线痳，我成日睇你㖞，你好搅笑，你以前同大白鲨真系好正’我心谂《大白鲨》?我冇拍过西片㖞，‘唔系呀，大姐ming 呀，你做《虾仔爹哋》麻。’你唔系认错咗我系卢海鹏呀，大佬成单嘢争好远，阿伯你啲白内障好严重㖞。”阿Bob更笑指这位看更，有机会见到Anson Lo以为是张立基。