【乘胜狙击】黄子雄外表风流实专一　拍拖8年：冇送过情人节礼物

《乘胜狙击》本周大结局，虽然套剧如此多“bug”，但总算娱乐到大家，剧中抢镜的不止主角，反而两位叔叔，单立文、鹫哥有时更吸引。除了两位有惊喜外，首次饰演擦鞋仔，爱沟女的黄子雄亦令人耳目一新，剧中他花弗又识氹女仔，但原来现实中好专一，和前无线艺员夏竹欣拍拖8年，名符其实系“长情剑”。

临近情人节，以为表面风流的黄子雄会好有创意氹女友，谁知原来是闷蛋一名，8年来没有送过情人节，甚至圣诞节礼物，更加连花都未买过，他接受《香港01》访问时说：“8年来情人节我都冇送过情人节礼物，花都未送过，我有个谂法，就系啲花好地地喺泥土入面，点解为咗送俾人而整死佢呢？啊！以前喺英国有个女朋友我有送过，不过我系成盆花送畀佢。我唔系咁buy into情人节、圣诞节嘅人，老土讲句，如果系开心嘅，日日都系情人节，唔需要拣一个好commerical嘅日子，餐厅特别charge两三倍嘅价钱，去食一餐你第日都系食差唔多嘅举动啰。”

【射雕英雄传】型佬苗侨伟恋三嫂35年 浪漫三哥：谢谢有你陪伴

外表鬼鬼地，流利英语，传闻还是富二代，当然是笋盘，但黄子雄自言香港女仔唔啱佢，但现在和一个土生土长的香港女仔拍拖8年，他说：“大部份香港女仔都唔buy我，佢哋想要嘅我都俾唔到佢，好难有一个香港女仔会钟意我啰，我以前嘅对象都系鬼鬼地呀，背景同我差唔多，我哋沟通都系英文，即系竹星妹啦，初初认识夏小姐大家都有啲感觉，但都有少少抗拒，佢唔系我识开𠮶只，但我又谂咁多年，我拍过好多次拖，同过所谓我𠮶type拍拖都冇结果㖞，𠮶阵又到咗一个年纪，点解唔试下未试过嘅type呢？其实我都唔知点解？我谂夹啩？”黄子雄虽然讲得轻松，但很多时被拍得和夏竹欣拍拖，二人感情相当稳定。

黄子雄以前绝对是“无脚雀仔”，有传他做过14对新人结婚司仪，有一半都离婚令他对结婚失信心，他说：“其实我而家做咗廿几个婚礼，其他之后有冇离婚我又唔系好知，因为当时做嘅14个，好多认识嘅都离咗婚，我好多朋友都离婚，我自己都嚟自一个分开咗嘅家庭，我个人对结婚呢个concept唔系太著重，我唔系太钟意小朋友，我又觉得两个人系咪一齐唔系特别需要小朋友的话，唔需要结婚啦，嗱！但我唔一定唔结而家，我要make sure 先啰，我结得就唔想离婚。所以而家都可以睇定啲先啰？（拍咗8年㖞？仲要睇？）我有朋友一齐咗廿几年都冇结婚㗎。我女友都冇家庭压力要佢结婚，佢亦冇催我。我以前真系唔想结𦈏，试过有个女朋友想结婚，但我仲未想，跟住佢就离开咗香港，佢去咗美国就结咗婚喇。但而家我心态唔同咗㗎喇。”

黄子雄和女友夏竹欣能克服七年之痒，他说没有秘诀，最重要是坦诚，他说：“我好boring，两个人最紧要坦诚，我同佢因为拍《同事三分亲》认识，最浪漫嘅事？冇㖞，我谂旅行啦，因为佢做过呢行，佢好了解我，可能佢性格又男仔头啦，我哋唔兴节日送礼物㗎，不过我好记得有次，佢送咗件曼联长䄂波衫畀我，𠮶件好难揾㗎，其实我话过畀佢知嘅，但收到都开心，就系沟通啰。好多时收到嘅礼物真系冇用㖞，唔系咩？有冇七年之痒？No, 8 years 一定有风浪but nothing can’t sail through!”Well….黄子雄是不是好男友只有夏小姐先知，但唯一肯定的是黄子雄女友是百分百的好女友，单是不用送情人节礼物而值100分。