邓小巧Nowhere Boys集体离巢　前老板冯颖琪：大家嘅需要好唔同

1996年于澳大利亚读法律期间为郑秀文创作《放不低》而一曲成名的冯颖琪（Vicky），除了是著名作曲人、唱作人外，也曾投资过不少音乐平台。当中与谢国维合作的Frenzi Music（音乐份子），近年也栽培出邓小巧、黎晓阳、乐队Nowhere Boys、per se等乐坛新血，闯出名堂。

不过在上年，邓小巧、黎晓阳和Nowhere Boys齐齐约满离开Frenzi Music，改以独立音乐人身份发展，Vicky在商台节目《1圈圈 星光背后》访问中也首度披露了他们去年相继离巢的因由：“第一，我唔敢讲系每个artiste，但系有啲我哋由零开始一齐合作，几年之后大家嘅需要好唔同，佢哋见都某啲嘢，或者知道自己更需要嘅嘢，都会想用自己嘅方式寻找。同埋依家嘅世界好唔同，他们会觉得有啲嘢系咪自己都可以做到；加埋旧年疫情开始，好多嘢都唔喺掌握之内，影响到大家，包括埋我自己，就算我哋系一齐，我系咪仲可以帮佢哋？呢一点我都好质疑，因为我对每个人都负责任。加上partner谢国维都去咗加拿大生活。所以有咁多因素下，既然大家各有谂法，其实唔只佢哋，我都有我嘅谂法，谢国维都有，所以大家都觉得系好嘅，可能大家都有意欲各自寻找。”Vicky坦言得知他们决定离开后并没有感到不开心，坦言自己一直以来也有很多想法：“栽培新人只系我人生众多计划嘅一部份，唔系我嘅全部。我反而要为呢件事骄傲，佢哋自己觉得仲有能力继续行落去，系咪我喺𠮶个阶段嘅任务都做得唔错呢？”

二十五年来，冯颖琪先劈炮拒当律师，继而在父母反对下坚持做音乐，即使2001年成为人妻，14年成为人母后也义无反顾，但及至儿子两岁后被诊断患有自闭症，身兼多重身份的Vicky终于感到沮丧想放弃的一刻：“其实，老公冇反对就代表支持，我一直都系尽力而为，点分配时间喺工作同家庭，对我人生嘅平衡好重要。我系有谂过放弃的阶段，是囝囝大概五、六岁嘅时候，医治咗一段时间，我觉得好攰，为何硬系冇起色？点解冇好大分别？当时我好需要能量照顾屋企人，但最后我发觉最可以畀力量我嘅就是音乐。所以我继续做音乐，就令我有能力处理其他嘢，我太明白我自己，系冇可能冇做音乐呢回事。”虽然离完全康复尚有一段距离，但Vicky认为现时14岁的儿子情况已有改善。