胶战2｜大型商场内疯狂追逐战　监制：连收音师都拎机拍埋

ViuTV游戏节目《胶战》今年初播出最后一集时，已预告将会有第二季，令不少fans十分期待。《胶战2》昨晚首播，惊喜嘅除咗有Edan无预告下除衫、MIRROR成员AK(江𤇹生)、Tiger(邱傲然)、ERROR 193(郭嘉骏)、肥仔(梁业)做嘉宾之外，最惊喜嘅应该系过往多在Party Room、办公室内拍摄《胶战》，首集竟然可以喺铜锣时代广场内进行追逐战，开创了香港综艺节目的先河。

过往香港不少剧集都会在商场内取景拍摄，但综艺节目就少之又少，就算有都多数系在搭建嘅舞台上唱歌、玩游戏。要讲到封场拍摄，应该要数到韩国综艺节目《Running Man》2011年空降旺角朗豪坊，当时吸引了逾5000名粉丝聚集，惊动警察之余，更搞到节目要移师旁边的酒店进行拍摄。

《胶战2》的几位主持吕爵安（Edan）、岑珈其、魏浚笙（Jeffrey）、刘沛蘅(Hillary）、黄正宜（阿正)、徐浩昌（肥肠）早前在记者会上曾指今季制作费10级跳，所以能够喺商场、邮轮上拍摄。不过节目监制李宏达接受《香港01》访问时就否认有咁嘅事，仲话：“严格嚟讲今次budget系无加到，主要系第一辑做到有成绩，会有机构想同我哋合作，时代广场就系其中一个，佢哋无收取任何费用，仲好配合拍摄，好似opening见到大电视出节目名，就系佢哋特别安排。”监制李宏达透露当日由晚上11点开始拍摄，一直到早上八时结束。

节目中，“6胶”与4位嘉宾在场内疯狂追逐，监制李宏达表示拍摄时安排摄影一对一，虽然有跟甩情况出现。“跟住个收音师即刻拎部机追去跟返，同埋有好多定点位set咗go pro，所以都无咩位甩。”他又指当日拍摄令“6胶”消耗极多体力，Edan除跑到t-shirt全湿之外，去到尾声更差啲顶唔顺晕低。

点击睇《胶战2》精华