我要做业主2│杨卓娜月入6000逼杨怡夹钱买楼　持货至今劲赚500万

由胡诺言、Patrick Sir和李旻芳主持的新节目《我要做业主 2》，最新一集就请来杨卓娜分享姊妹齐心实现买楼梦的经验，杨卓娜透露自细同家人租屋住，早已萌生买楼，入行之后她便与妹妹杨茜尧（前名：杨怡）都咬紧牙关，买入将军澳中心单位，每月都要拿收入的 2/3 来供楼，虽然辛苦，但她认为坚持买楼最正确的确定。

杨卓娜与妹妹杨茜尧在2002年以约200万赚入一个700呎单位：“妈咪住沙田，𠮶时未有咁方便嘅交通，所以要揾个地方定居，就同妈妈借咗少少钱，𠮶时畀5%首付就OK，200几万700几呎。（𠮶阵时都系新城镇，都算独具慧眼？）又唔可以咁讲，纯粹工作需要。（阿怡当时咩反应？）唔好呀唔好呀，我要好多钱买衫，我要钱去应酬……（你而家爆佢啲嘢？）唔系，大家都冇所谓，其实当时同阿妈都计清楚，我知我嚟紧要点洗，之后阿妹就同我讲，你倾过你点洗，你有冇计过我点洗呀？其实我都帮佢计过，10年之后就会好开心，佢都有听，因为我同阿妈一齐去说服佢。之后，我哋就老笠佢，呢头睇完转头就买咗，佢就话你哋去买棵菜呀？”

杨卓娜更称初入行月薪只有6000元，所以在买楼之前都有谂过度过，她更称当时要悭住洗：“我放弃咗好多同朋友出街去饮嘢食嘢，你知呢行几多应酬，百几二百蚊对我嚟讲已经好好用。大家要有个共识，一齐去渡过艰难嘅时期，入咗行十几年，我冇去过一次旅行。”目前她们的单位持货至今已升值500多万，市值700多万，杨卓娜更透露杨茜尧不想卖出去，所以正在收租。

点击睇罗氏夫妇放闪图：