代沟关注组｜游嘉欣直认同家人有代沟：选择放弃唔再讲
撰文： 吴子生
出版：更新：
游嘉欣今日（11/8）现身将军澳电视城出席《代沟关注组》节目录影。讲起代沟，嘉欣坦言代与代之间，思想观念一定会有所差距：“其实我哋而家嘅年轻人讲嘢同长辈讲嘅嘢都好唔一样，因为有啲潮语佢哋系会唔明。就好似我同Daddy妈咪咁，有时同佢哋讲嘢，讲极佢哋都会唔明，喺咁嘅时候我就会选择放弃唔再讲，懒得再同佢哋解释。（工作辛苦时会否同家人倾诉？）我系会收埋唔讲，直情唔讲，反正讲咗佢哋都唔明，咁不如选择唔去同佢哋倾。因为我家姐大我11年，哥哥大我8年，人哋话三年一个代沟，我同佢哋系有洪沟，哈哈！”