阿女又恋嚟︱Catry开跳舞学校做老板　十年前参赛片证靓样纯天然

ViuTV恋爱真人骚《阿女又恋嚟》请来林静莉（Jeannie）、植咏珊（Cathy）、陈咏钿（Coco）、麦丽怡（Lily）及她们父母，4名女生会轮流与自己及父母选择的男生约会。Cathy的其中一位对象Catry（李创伟）凭帅气外表以及八嚿腹肌成功获得观众关注，连Cathy妈妈媚姨都对他赞不绝口。

Catry近乎完美的外表却惹来整容传闻，媚姨都曾在节目中问他“整容贵唔贵”，Catry否认并指全部都是真。翻看Catry于2011年参加《亚洲星光大道4跳舞吧！》的跳舞片段，十年前的他已经是靓仔一名兼眉清目秀，看来传闻不攻自破，而热爱跳舞的他更直言希望成为“城城接班人”。

点撃睇十年前的Catry：

他接受《香港01》访问时指读书时修读时装设计，但毕业后发现文职不适合好动的自己，最终决定教跳舞并开学校做老板：“而家都有Studio，都系老板。跳舞大约15年，细个大约18岁学跳舞学Jazz，读书后毕业都会出骚，有个师姐问我想唔想教跳舞，就开始咗教跳舞生涯，之前就读设计，Fashion毕业。试过做文职三个月，发现个人唔可以坐定就教跳舞到而家。”

《阿女又恋嚟》在网络的讨论度很高，Catry感谢网民的支持，更分享拍摄期间的趣事：“我同Sunson、Indome，Andrew一间房，我哋每晚都有个Boy Talk，我冲完凉惯咗着条Boxer摊喺度，好正经讲紧一个Topic时，Indome望住我嘅视线系对住我乳头，佢话‘明明讲紧正经嘢，但我Focus唔到’，我就用张被遮番。”

真人骚难免总会被质疑有剧本，Catry力证全部环节都是自由发挥：“真人骚冇剧本，每样都系我哋男仔谂，Dating、天才表演都系跟自己性格，而家就会睇到所有男仔嘅性格同真性情。坚系冇剧本，涉及好多人，如果人人都有剧本根本写唔到咁多同接唔到咁好。”

节目参赛者Coco在玩Truth or Dare锡了Sunson一啖，Catry承认是他的提议全因想增加Sunson的自信心：“玩酒Game，Coco锡咗Sunson一啖，系我做佢哋。有Indome Fans问我点解唔做Indome，我内心觉得Indome威力强啲，我觉得Sunson冇自信啲，藉住呢个机会畀Coco锡佢，希望Sunson会有返啲自信。”

点撃睇Catry大只靓仔相：

同场加映

阿女又恋嚟︱锡Sunson一幕冇出现　Coco亲解原因：呃咗大家睇电视