东京奥运｜吴诺弘拉伤报平安　纪录奥运路：呢场比赛意义真系好大

今届东京奥运港队表现亮眼，当中7岁加入TVB，曾拍摄超过30套剧集，现年21岁的吴诺弘，伙拍出炉金牌得主张家朗、张小伦及蔡俊彦出战男子花剑团体赛，首登奥运舞台初生之犊场上狂攻，一席间跃升为大众偶像。相隔一日他在IG写下长文分享心情：“对于我嚟讲，今次呢一场比赛意义真系好大。”

吴诺弘回想自己犹如梦想成真：“我由细细个小学三年班就开始学剑，一直梦想住成为香港代表队。而努力左咁耐，为嘅就系呢个终极目标——参加奥运，甚至系可以行上颁奖台上面。随住我成长，我所经历嘅嘢越嚟越多。而呢一切造成左我今日可以踏足到奥运舞台嘅机会，令我经历左呢一段难忘嘅旅程。同时再一次提醒咗我自己，我系有几钟意剑击。”对埃及一战时曾拉伤大腿暂停比赛，他向大家报平安：“已经照左MRI，只系拉伤大髀内侧肌肉。而家行路都仲系会痛，但我会好快无事(应该)。大家唔使太担心。”