【婚姻合伙人】杨明曾犯醉驾刑毁　挨18年终坐正：错失好多机会！

杨明自2015年《收规华》做第二男主角，开始备受关注，今次在新剧《婚姻合伙人》（原名《抱佣情人》）更首次担任第一男主角，与高海宁将会有感情线。他开心之余，又感到有压力：“要多谢监制同编审，咁大胆畀机会我去试”做到主角当然开心，但对于杨明来说，入行18年，现今拥有这位置，要多谢过往的经历。

杨明初入行时，形象比较贪玩，常被传媒影到他去夜蒲，他也承认初出道的日子出去玩过，过得有点疯狂，想法上也较为急进，“啱啱系训练班出嚟，就好想一嚟就做男主角，要做重要嘅角色。”直至出道几年后，杨明负面新闻不断，公司忍不住下令要他重读训练班，他才意识到自己错失了不少机会，“自己当时确实会唔开心，因为唔识得点样去珍惜，机会一直都有，但因为唔识谂而无去把握。”

因为年少气盛，后来杨明更因刑事毁坏而惹上官非，他的事业也因此要搁置。直到07年，高层乐易玲下令安排杨明重读训练班，史无前例地成为首位“读两次训练班”的艺人。工作了近10年，又要还原基本步，回想那段日子，杨明坦言面对如此安排，都是欣然接受：“其实个时我都好听话，接受咗。只系初头入到去一、两个星期都真系几辛苦，成日都会迟到，返到课室又会坐埋一二边，因为开头都系带新同学参观电视城，自己又已经做咗几年嘢，会觉得好无聊。”再入训练班，会否受过同学投以奇怪眼光？杨明就话：“我谂同学都会明白我嘅情况，佢哋都有鼓励我，好似张颕康、阮儿、马贯东都好好，好快就打成一片。”再读训练班时，杨明是零收入，需要闲时兼职做模特儿来帮补生活。

重读生涯渐久，杨明亦慢慢想通了，重新投入训练班生活：“自己会谂到公司见到我咁，都依然畀机会我留喺度，加上两次训练班老师都唔同，学到嘅嘢都唔同，所以𠮶时谂通咗都去努力做。”

让杨明坚持的理由，还有身边的同事，杨明表示：“重读完训练班之后，开工遇到师兄，佢哋都话公司对我好好，如果换转第二个做错事，一早都冇得留低。”所以杨明非常感激那段过去，“如果唔系经历过𠮶段低潮，自己大个咗都仲会好自大，个段时间令我充分去反省，要好好去努力。”

人生冇乜几可会有take two，所以杨明都要多谢高层曾励珍的不离不弃和支持，珍姐扶持他那段日子，杨明表示呢一世都会记住：“记得重读完训练班，就上咗珍姐间房，佢问我仲想唔想做，我就话想。之后佢就开始安排我，由浅入深咁，逐少逐少安排我做唔同角色，而家就会明白，不论做咩角色，每个角色都好重要。”所以杨明觉得今日登上男一之位，不会觉得自己好劲，会继续虚心学习。