大叔的爱︱Anson Lo忍痛拍摄 陈子丰大赞专业：拍完先发现墙凹咗
港版《大叔的爱》开播至今好评如潮，成功掀起新一轮的追剧热潮。日前播出的一集讲到Darren（陈子丰饰）在天台跪地哭求阿田（Edan@MIRROR饰）让爱，令阿牧（Anson Lo@MIRROR饰）可以重回自己身边。陈子丰深情的演绎感动不少网民，连ViuTV董事及总经理鲁庭晖都在IG公开大赞他是一位十分努力的演员。
“Darren”一角令陈子丰（Colin）成功入屋，观众亦开始留意这位实力派演员。Colin接受《香港01》访问时感谢观众的喜爱，回想起天台跪地痛哭的一幕，他至今依然非常难忘：“首先真系好多谢观众喜欢Darren呢个角色，其实喺我收到剧本嘅时候已经好期待演天台呢场戏，我亦为呢场Darren唯一一次释放情感嘅戏准备好多。拍摄天台当日，天气唔太稳定，大风到连人都吹得郁，好多时戏做对了，但头发乱到不堪，不停因为发型而NG，好彩成个团队都好专业，挨住冻到震嘅大风完成天台拍摄。”
Colin在剧中首次与MIRROR成员Edan（吕爵安）、Anson Lo（卢瀚霆）和Stanley（邱士缙）合作，第一次合作便要与Anson谈情，他起初亦非常担心：“拍《大叔》之前因为冇合作过所以我都唔系好认识Edan、Anson同Stanley，尤其系Anson，更加冇讲过嘢咁滞，所以都几担心同佢嘅感情戏。但开拍后就发现Anson同阿牧一样都系一名暖男，好快就相处得好融洽。”
他更大赞Anson演戏认真以及态度专业：“有一场戏我要推佢向一面墙，结果拍完之后先发现墙凹陷咗，但拍紧嘅时候Anson完全冇因为痛而停落嚟，而系好专业咁完成拍摄，所以我系好尊重佢专业嘅态度。”为了投入角色，Colin特意在剧集开拍前不停翻看Anson的演出，最后更爱上了“教主”成为“神徒”：“我开拍前有去YouTube睇Anson嘅MV舞台表演，不断去薰陶自己，不断去揾佢迷人嘅地方。开拍后，我每日都会听《EGO》，我谂我依家都变咗做‘神徒’啦！”
对于鲁生在IG公开称赞他是一名好演员，Colin表示非常开心，同时亦希望观众能更加留意ViuTV的演员：“我好开心鲁生嘅赞赏，同时都好希望观众可以留意多啲ViuTV嘅演员，除咗我之外，我哋一班艺员同事都系好努力咁做好节目或剧集，希望为观众带嚟更多优质嘅选择。”
同场加映
大叔的爱︱陈子丰跪地痛哭获鲁庭晖大赞 盘点6位ViuTV开国功臣