专访│谢安琪亲解《离不开》MV设计概念：令人觉得人生有唔同经历
今年自组公司成为独立歌手的谢安琪（Kay），本月初推出首支单曲《离不开》，不但由自己包办曲、词、编、监，MV方面更与新晋导演李刀拿（Liknifena）一同参与创作。早前Kay透过幕后花絮，与MV男主角柯炜林（Will）拆解画面中曾经出现过的不同细节，今次Kay接受《香港01》访问，除披露MV更多细节外，也大谈新歌背后的创作理念。
撰文：刘传谦
服装: Chloé
形象设计: Yan Lam
特别鸣谢: Light White Studio
做唱作人有优势
过去Kay不乏曲、词创作，问到创作的四个范畴中，最享受的岗位是什么，她认为自己在填词上较为得心应手，不过今次在创作旋律的过程中，Kay就真正感受到唱作人在乐坛上渐见有优势：“原来歌手自己写旋律系有一个优势，你会知道自己嘅声音用喺边个音域发挥紧啲乜，知道自己唱到某啲位嘅时候，系可以用到自己声音上嘅边啲质感。”
在自己包办曲、词创作下，令Kay更容易在两者中作出协调：“有啲部份系刻意再写过旋律，令整体嘅感觉唔同咗，有啲时候又会因为郁咗旋律线，要改某啲歌词嚟连接番。呢样嘢都几享受嘅，因为我想要嘅效果大致上就系咁，用旋律、歌词、自己声音嘅质感配合，以前我冇担当过呢啲职位嘅时候，我冇咗呢啲乐趣，所以今次创作其中一个好好玩嘅嘢，就系将呢啲元素自己砌下砌下，做出我需要嘅效果。”
引用心经谈赏花感受
而歌曲结尾一句“愿花开／心无罣碍”，就是Kay其中一段曲、词互相配合的段落。她喜见乐迷从这一句收到祝福，又指自己最珍惜花开的季节：“以前春天等待花开系一件从心而隆重地期待嘅一件事，但系依家嘅季节同之前唔同，令花开嘅时令都唔同咗，令我欣赏花嘅心情都唔同咗。”这句引用心经的歌词，也蕴含著Kay对赏花的感情：“我觉得花系代表大自然、纯粹、直白，因为花一啱温度就会开。赏花人可以有好多欣赏嘅心情，喺赏花嘅时间都有好多唔同嘅谂法。呢一句我系寄语自己，送畀自己或者同我一样有咁多思绪嘅人，希望可以好似花咁纯粹。”
用料理比喻人生
谈起Will品尝料理的桥段，Kay早前就透露菜式选用全素菜，期望配合MV中充满大自然气息的画面，而她在访问中也进一步拆解4道菜式背后的设计理念。Kay形容自己与导演设计菜式时，希望将生活的大小事聚集成不同菜式，表达何谓“料理就是人生”：“其实构思呢啲菜式嘅时候都有一个历程，例如前菜比较清爽、轻巧，回忆一啲淡然、开心嘅片段。当中有啲菜式喺食紧嘅时候，我想做到一触碰就散开嘅效果，令佢谂起一啲始料不及嘅事，或者系到今日都未能够了解嘅事。而有啲菜式喺食嘅时候要用多啲力，可能系要用力咀嚼，甚至乎要切。呢啲设计系要令佢觉得人生唔同时候有唔同经历，食嘅时候都希望可以呈现出唔同嘅表情。当我哋设计完菜式，当中每一道菜式会勾起一啲咩回忆，或者回忆中嘅咩部份，就要靠Will嘅演绎。”
虽然这些片段全部属于Will的私人回忆，不过Kay相信情感能够互通：“每个人都经历好多嘢，希望每隔一段时间回想嘅时候，都可以将之前嘅嘢捡拾，好似品尝料理嘅心态领受佢。无论经历过啲咩，有苦有乐、有甜有酸，甚至系一啲始料不及、唔钟意嘅味道，我哋都用一个最好嘅心态领受。”
亲解MV角色定位
Kay在MV中饰演“The Mind”，一直帮助Will走出伤痛，不过究竟“The Mind”是什么？她指这段时间看到网民不停猜测，至今听过有人认为是在旁鼓励Will的人，有人猜测是Will的治疗师，甚至认为她在故事中并非一个实体人物。就此，Kay解释正确答案：“其实都有人估中，我系反映紧Will嘅一啲谂法同内心。喺我哋构思呢个男仔嘅故事，系曾经谂过得佢一个人做，成个故事只有一个角色，后来我哋想呈现唔同嘅质感，就将其他角色实体化。至于我呢个角色，本身有谂过系一个比较实体化嘅治疗师，带出一种疗愈嘅过程，后来变成咗Will心目中嘅谂法，好好带著一啲回忆，发生过嘅一啲事继续向前嘅谂法、力量。”其他角色方面，“The Cat”同样反映著Will的内心世界，而“The Girl”则代表著一种情感，寓意著一些不能放下的往事。
重温《离不开》MV精彩镜头：
更多有关《离不开》文章：
谢安琪拍片公开《离不开》MV花絮 “五月病”原来系季节性忧郁
谢安琪出新歌首次担任曲词编监 《离不开》MV 6月6日正式播出
谢安琪写新歌吁正视气候变化 盼活在当下：以诚敬承载生活喜与哀
柯炜林获谢安琪邀请参演新歌MV 曾亮相Dear Jane大热作一炮而红