Anson Lo新歌化身“阿牧” 唱出单恋心声　突破尺度谷肌出浴

人气男团MIRROR将于暑假期间，每周推出一首全新单曲，其中近日凭剧集《大叔的爱》人气急升的成员卢瀚霆（Anson Lo）昨日（7日）率先登场，推出年度第二首个人歌曲《不可爱教主》，实行变身“阿牧”诉说单恋故事。提到《不可爱教主》在26岁生日当日面世，暖男Anson Lo笑言新歌是“特备礼物”：“呢首歌唔系送畀自己，而系送畀神徒嘅生日礼物。上次出歌已经系一月尾嘅事，所以好想喺生日正日，同fans有一个遥距嘅共同回忆。”

作为《大叔的爱》片尾曲，Anson Lo表示《不可爱教主》从剧集角度出发，记载“阿牧”的心路历程：“监制Tommy希望片尾曲由‘阿牧’去唱，唱出佢对阿田𠮶份不求回报嘅爱。填词人林若宁亦都喺大家嘅恋爱角度出发，因为每个人都试过挂住一个人、甚至单恋，明知对方唔会钟意自己，仍然奋不顾身去守护佢。相信听到呢首歌嘅朋友，心里都会浮现出一个好想见嘅人，同埋‘教主’呢个称号，我觉得只要你钟意𠮶个人，佢就系你嘅教主。”

与陈汉娜贴身共舞

过去曾为《一所悬命》、《EGO》等歌曲拍摄MV，经验丰富的Anson Lo却透露，《不可爱教主》属全新体验：“出道以嚟我嘅三首solo作品都系跳唱形式，MV一定同跳舞有关，但系今次采取全剧情式拍摄，我谂fans同观众都会几惊喜，见到一个唔同嘅Anson Lo。”

为配合歌曲设定，团队特别邀请陈汉娜（Hanna）担任MV女主角，不过Anson Lo竟直呼紧张，更自爆为MV献出“第一次”：“人生第一次拍MV系有女主角，最难忘系同Hanna头贴头嘅场面，因为喺我嘅演艺生涯中，第一次同女主角有咁贴身嘅接触，当下真系好紧张！排戏时都有啲尴尬，但系拍摄当日，我感觉到Hanna嘅专业，每一个机位佢都做到100%。佢亦为咗MV专程学舞，真系好辛苦佢。”

掌上压急救肌肉

除了与Hanna唯美共舞，Anson Lo还在MV中突破尺度，大晒结实胸肌，实行向神徒派糖，对此他亦直认：“今次有啲镜头比较大胆，例如露背肌、甚至冲凉，对我嚟讲算系几大尺度！最近无乜时间操练，演唱会后只系做过两次gym，真系好惊冇嘢畀人睇，所以拍摄展示身材嘅场面之前，我就不停做掌上压，埋位前都要做多几下。”

对于《大叔的爱》引发全城热话，Anson Lo坦言感激观众支持，亦视剧集为演艺事业中的一个标志：“我觉得《大叔的爱》系一个里程碑，睇到自《男排女将》之后，自己有乜嘢唔同嘅改变。见到大家钟意《大叔》、凌少牧，真系畀咗我好大信心。”与喜剧有缘的Anson Lo亦透露，首部主演电影《假冒女团》有望在今年上映，期待为观众展现不同面向。