凶宅清洁师│郑俊弘驳发“冬菇”头挑战Heavy角色　剧组遇灵异事件

由洪永城 (Tony)、C君与卢思麟一起监制的TVB惊栗剧《凶宅清洁师》昨日进行通宵拍摄工作，《香港01》独家探班，现场除了Tony，还有主演的郑俊弘 (Fred) 以及傅嘉莉。Fred在剧中饰演的洪仔造型相当破格，有别于他以往所演的靓仔角色，他的“趣致”冬菇头更是驳发打造。谈到该角色，Fred说：“洪仔系无乜自信，不修边幅，对手有好多伤痕系自己抓自然，佢会跌入一个黑空间同一只恶魔有connection，系畀佢吸咗入去。之后佢同好朋友招仔 (洪永城饰) 做咗凶宅清洁师，要克服好多嘢，一齐去捉鬼打鬼。”

Fred表示演今次的角色有难度：“个角色系好heavy，乜都惊，天黑前要返屋企，因为佢细个时同招仔遇过灵异事件，令到佢自此好细胆，有时又会惊到喊，做看更巡楼又会好惊，好多情绪，又要成日对空气做戏。”至于在真实世界中可曾遇过灵异经历，Fred说：“试过畀鬼责，但唔系太惊，相信只系自己攰。我feel唔到呢啲嘢，不过听剧组讲佢哋喺西环拍间屋拍嘢时，好多同事都feel到有嘢，好似有嘢喺佢哋隔离咁。”