遗爱．专访｜冯智恒郑中基一拍即合 “希望同行养返起电影圈”
港产片《遗爱》由冯智恒执导，郑中基（Ronald）、胡子彤、陈汉娜（Hanna）以及新演员陶禧玲主演，较早前冯智恒以及陈汉娜接受《香港01》访问，而导演最想带出一个讯息，正如Ronald在预言中讲到“我哋唔好再放弃年轻人”。
放弃年轻人？
导演冯智恒率先讲到透过《遗爱》想带出一个讯息，正是Ronald在预告中所说的︰“我哋唔好再放弃年轻人”，坦言近年香港社会上发生了太多问题。“甚至乎有人口口声声话我会放弃年轻人，我觉得呢啲说话唔好啰，希望大家睇完呢套戏会有思考同谂法。”导演冯智恒说。
问及Hanna如何看待这句话：“每个人都是个体，就算我觉得应唔应该放弃，我首先唔系去谂人哋有冇放弃自己，呢个世界或者较为年长嘅人，有冇放弃我哋呢班年轻人，呢样好取决你自己点谂，要睇你自己放唔放弃，我唔系要去行你要嘅生活，我系我自己，去决定我人生嘅人，只要我自己唔放弃就可以。”
郑中基零片酬接拍得一个原因
对于郑中基零片酬接拍《遗爱》，行动式大力支持新导演及港产片，导演笑言Ronald哥当时就话：“得㗎喇，你得550万，你俾晒都唔够片酬。”及后导演解释其实套戏主要想带出一个理念，两人首次见面倾足两个多小时，并不是谈对白、造型、剧本，而是信念，当大家觉得啱Channel才事成。
“当初揾男演员时都有考量很多人，后来发觉个角色好需要揾个有父爱同经历嘅人，又有啲遗憾喺心底、眼神表现出来，Ronald一向演技都好好，虽然专注拍喜剧，唔知揾佢拍悲剧会唔会特别火花，喺香港地又要有一个地位同岁数嘅艺人唔算太多，主要都是两人信念相同。”
《遗爱》启发自屯门盐腌碎尸案 19岁少女杀夫部分残肢弃垃圾站
陈汉娜笑言搞唔掂小朋友
戏中Hanna跟小朋友的戏份不少，她坦言跟小朋友拍戏才是最难的部分。她：“你又要做戏，又要顾住个小朋友嘅情绪，小朋友有好多意料之外嘅状况，最难系同3岁小朋友拍，佢哋有小小认得妈咪，好需要揾妈妈，一直喊一直要揾，我哋要谂好多方法令佢情绪稳定，到佢OK自己又要即刻投入，呢个位系几难，要好随时准备好。”最后她更笑言自己拍完《遗爱》即时松口气，因为小朋友真系好难搞，问到会唔会怕了生小朋友：“冇特别谂，冇任何呢啲打算住。”
曾半年零收入 决心坚持自己钟意的事
较早前有报道提及Hanna试过半年零收入都有压力，问及她现时情况有否好转时，她坦言：“自上年开始有啲行内朋友会揾自己开工，虽然钱唔算多但都可以补助到好多收入，唔会因为冇咩收入而唔开心，始终做紧自己钟意嘅事，直至呢行开始有起色，对自己嚟讲都好好多。疫情期间多咗好多时间去思考，清晰自己嚟紧想做啲咩，都有继续学打鼓同拍下嘢。”
盼与观众同步 感受到同一信念
事实上拍《遗爱》包含种种难处，拍小朋友、成本紧拙、导演自己身兼编剧及导演两职样样均是挑战，但冯智恒却表示拍完套戏后才是最难搞。“拍完后社会发生好多问题，套戏上极都上唔到，戏院只开70%座位，究竟套戏出街系咪啱？系咪预期之内？前辈都有讲到当套戏未上映，当中就会有段时间不停质疑自己究竟拍得好唔好，如果我想讲嘅信念其他人系感觉到嘅，唔理个票房系10万定系100万、1000万，都对得住我自己同想带出的讯息。”
望香港观众可以养起香港电影业
最后问及导演仅以550万如此紧拙的成本要拍好一套电影，如何完成这事是否最大的挑战？他直言：“首先要有个好好的监制，睇实盘数；第二要有一班好好的台前幕后，佢哋真系唔计好多嘢去帮你，当然觉得咁样系唔健康，大家都系专业人士要收返对应的薪金。”及后他补充550万是政府给予，但都希望有更多唔同政府、商业、机构的基金去支持港产片，正如《沦落人》、《一秒拳王》、《幻爱》均可以收回成本亦有名气，同行的确可以花更多心思拍好电影令观众有更多的信任。“老板唔使蚀钱又有名气，导演演员又可以继续拍，希望同行可以做同类都，唔好当时兴咩就一窝锋去拍，而系要养返起电影圈。”
点击睇更多靓相：