洪永城与女友梁诺妍同时宣布订婚：今日一齐携手踏上我俩的新旅程
撰文： 秦志鸿
出版：更新：
洪永城（Tony）与梁诺妍(Inez)有情人终成眷属，今日（10/6）两人正式公告“我哋要结婚啦！”的大喜讯，这对准新人由求婚到影结婚相，也是充满著无限温馨及成箩笑料，Inez回想在洗手间求婚过程笑到喊，结婚照则配合他们的性格，简约之中不失搞笑本色，从今两人愿余生一起笑住过！
早前，Tony和Inez秘密地影了一辑极有创意又搞笑的结婚照，由于他们均是热爱运动之人，所以结婚照也甚具动感，衣著以简约便服为主，其中一款是他们以背心T恤、 短裤加波鞋在运动场上飞跃而起，最搞笑是洪永城以白T恤配煲呔，而另一款则是在湖边的温馨鬼马相，一身背包行山LOOK，两人双手紧握在一起，寓意他们手拖手，今后一起笑住过！今日他们分别在IG上宣布喜讯，并分享结婚感受。
点击放大睇吓洪永城同Inez全Post：
准新娘子Inez透露Tony的求婚过程，既搞笑又感人，她笑说：“佢嘅求婚过程系好好笑，好多虾碌嘢发生，佢喺屋企个厕所度求婚，我觉得好好笑，不过好系佢嘅 style，成个过程我系笑到喊，不过都好感动，有晚佢拍完嘢返屋企，就入咗厕所一阵出嚟，跟住到我人有三急入厕所，佢又跟住我入厕所，当我打开厕所门，原来佢喺厕所度布置咗有一个摄录机，又喺洗手盆度放咗啲微型灯泡，又有一束鲜花，镜上又贴咗啲心型卡，仲写上MARRY ME？我好笑又感动，我问佢点解要喺洗手间求婚？佢话知道我一定会去洗手间，最好笑系佢拎只戒指出嚟求婚时候，我话我真系好急，你等一等我去完厕所先，结果佢要等我办完大事再求婚，我就Say Yes！”当时他们开心到笑不停！
点击睇睇鬼马婚照：
睇埋准洪太靓相：
+30