专访｜林奕匡坚持创作自己歌　以男歌手奖为目标：it’s possible

林奕匡 (Phil )推出过不少充满正能量的作品，如《一双手》、《有泪多好》、《高山低谷》等。踏入2021年，Phil的两首派台歌《时间的囚犯》、《沉思者》同样带有暗黑风格。曲风有所改变，除了是疫情令人心累之外，另外一面，其实也是美国进修的成果。2019年，林奕匡飞到波士顿伯克利音乐学院（Berkelee College of Music）进修两个月，此举无疑会令乐迷有所期待，但观乎这两年的音乐成绩表，林奕匡似乎仍有很多进步空间。“得奖电影未必好收得、得奖歌曲未必一定好有内涵，攞奖呢件事本身包含好多因素，《高山低谷》如果再嚟一次都未必会有咁嘅效果。其实只要我自己知道声乐、唱歌成熟程度、写歌能力有明确进步就已经足够。如果话唔好用奖去衡量又太离地，但自己唔会特别去谂。”

有得必有失

创作上，林奕匡一直坚持自己的曲自己作，他坦言此举限制了自己能够唱的作品，甚至是拖累事业。“如果我无呢个限制，100首总会拣出１首好嘅作品，但当我要坚持时，只能够创作更多。喺美国两个月，学到嘅包括系我知道行边条路可以快啲、写歌前要准备啲咩、心态上应该点、又或者由不同方向去谂自己可以点进步。”比起结果，林奕匡认为更应该享受过程，但每当想到历年两金一银唱作人的成绩，如今只能在台下当观众，难免会感到可惜吧？“我好珍惜呢啲奖，因为意义重大，假如有得再拎系好事，但咁又算唔算进步？因为我已经拎过金奖。当然我亦有检讨，有人讲过其实拎男歌手嘅配备条件要更多，我会谂拎唱作系未就唔可以拎男歌手奖，又唔系㖞。只不过要更叻先做到，所以呢个系我下个目标，it’s possible ,but it’s difficult。当真系做到时，会更开心、更珍惜。”

为fans进行自我检讨

为了挑战高难度，林奕匡需要付出更多，表现更积极进取，但很多幕后的工作并非会能够即时呈现，结果换来一场笑话。“之前同fans倾偈时，佢哋话‘你呢排系好得闲，咁可以写多啲歌’我心谂，点解你会觉得我得闲？我真系忙到爆炸，今年无论系cover歌或者帮人监制，好多嘢都系表面睇唔到，但原来咁喺fans眼中系得闲，又或者觉得我系无嘢做，我当下真系……唉！不过换个角度谂，呢行好多人都好勤力，同时背后做好多嘢，我系no excuse，亦都有检讨。”对于乐迷看不到的忙，林奕匡甚是委屈，但亦明白自己有很多不足之处。“譬如有人想我自弹自唱《有了你》，由于首歌好经典，一粒音都唔可以错，如果我音乐底子好的话，会省却好多排练时间，但事实就系我嚟到香港先学弹琴；又另外，和音如果揾人唱，我录音会快好多，但变成我学唔到嘢，监制亦想我参与多啲。其实而家睇返转头，以前好多嘢都会觉得好难，但而家系好easy。”

对MIRROR高度赞赏

出道10年，林奕匡如今也成了前辈，早前欣赏过MIRROR演唱会后，在IG发文力赞。这天访问时，提到12位年轻人的时候，林奕匡犹如“镜粉”一名，大赞他们令广东歌重新获得关注：“自问唔系好跳得，所以对我来说，佢哋个个都好劲，尤其是Anson Lo (卢瀚霆)，佢跳得好好睇，我老婆都跟过佢跳舞，同埋佢啲歌都有一定难度；姜涛佢嘅vocal喺呢两年进步好多，而Jeremy(李骏杰)，佢喺眼神同台风都好好，同埋佢拣《Monster》好有惊喜，呢首歌自己都好钟意。”

Make up: Gabbie@gabbiemakeup

Hair: Wilson Wong

Styling: Queenie Yu

点击睇更多