十万吨情缘︱欧锦棠自爆当年拍到萌轻生念头：个个以为上邮轮好叹

无线（TVB）剧集《十万吨情缘》（2003）最近在翡翠台深宵时段重播，剧集除了有两大主角张家辉和张可颐火花不断，一众配角亦非常出色，当中包括饰演“刘华”的欧锦棠。剧中，“Jason／田伟晨”张家辉将前妻“Yama／方雅文”张可颐介绍给欧锦棠，而欧锦棠竟然心谋不轨有意骗财骗色，奸到出汁。

周二（25/5），欧锦棠亦有在社交网站出Post大谈拍摄《十万吨情缘》的趣事，更指这次经历简直是辛苦到想自杀：“个个以为拍呢套剧，可以上超级豪华邮轮横渡太平洋，去美国实景拍摄，一定好叹，其他人我唔知，我净系记得，我呢世仔唯一一次想自杀，就系呢㗎邮轮上面，因为，我由细到大，都系唔坐得船，大家以为一艘十万吨邮轮，唔系应该好稳定吗？Oh , I’m so sorry，出到公海，话知你航空母舰，一样抛到炒飞天通菜咁。喺船上面两星期，我未有一日系可以行一条直路，而我，亦已经冇嘢可以再呕。”他又指自己虽然严重晕浪、面青口唇白，但一Roll便做到若无其事，非常有趣。

点选下图观看棠哥在Facebook分享的靓相，原来棠哥当年有三点式美女相伴：

陈秀珠教解晕浪方法

棠哥接受《香港01》访问时亦有透露更多细节，他说：“有同事话上到大船就会好定，风平浪静好多，但遇到八级巨浪都系好抛，试过一嘢抛我落床。（食晕浪丸冇用？）零作用，咩都帮唔到手，明明已经呕到冇晒嘢，但系个胃都系Keep住反，瞓极都瞓唔到，好在陈秀珠后期教我揾啲姜磨粉冲茶饮先舒服番。”

棠哥更笑指他在美国洛杉矶落船时立即亲吻大地：“因为之前真系太辛苦，有一晚辛苦到想跳落海！（拍其他剧打死唔上船？）啊，试过拍《谁家灶头无烟火》时，剧组Book咗架船去南丫岛，呕到灯光师都笑我块面青晒。（唔搭得船，所以连澳门都冇去过？）咁又唔系，次次去澳门都好神奇，一上船就瞓，一瞓醒就落得船。”

十万吨情缘｜李思蓓原来系“骨精”　16年前做开按摩店做女强人