金手指｜ERROR何启华粉丝洗版式俾赞　Like数劲过华仔朝伟25倍

由庄文强执导及编剧、黄斌监制；梁朝伟、刘德华等主演嘅电影《金手指》已经完成拍摄，公关公司发布老板杨受成多张探班照，令一众演员造型曝光。两大男主角伟仔华仔再度合作固然万众期待，但睇返公关公司帖文，其中一张有ERROR成员何启华（Dee哥）嘅相，like数比其他相片多出近廿五倍﹗

相片中Dee哥企正喺杨生隔离，佢嘅粉丝洗版式留言“支持一哥何启华”，仲有人话“豪华卡士都不及一个启华卡士强劲”其实早前已有网民恶搞《金手指》维基百科，令阿Dee都忍唔住上传至IG限时动态，︰“大佬呀，你地（哋）唔好咁黐线啦，边个改㗎？”因为网民恶搞阿Dee直情将刘德华个名删走，变成何启华担正同梁朝伟斗戏。有网民见到更愈玩愈大，将导演、监制、制片、动作指导、编剧、故事、统筹、主演通通改成何启华，令佢再一次呼吁网民“唔好啦.GIF，你班黐线放过我啦，玩埋呢转好啦，如造成不便本人深感抱歉，上映个日记得入场支持。”