好声好戏｜陈自瑶声演《流氓皇帝》　石岐话配音获激赞：无懈可击

以配音作主轴嘅TVB节目《好声好戏》嚟到第3回合，曾被汪明荃指配音好出色，叫公司开剧畀佢担正女主角嘅陈自瑶，呢集挑战1981年民初剧《流氓皇帝》带有口音而且中气十足嘅“媒人婆”邓碧云，被评判大赞“无懈可击！”

要捕捉到邓碧云嘅独特神髓、用声及咬字节奏，加上石岐话讲对白，难度系数高达9.9分，陈自瑶无论口音口形都同影片中邓碧云完全夹到，完成比赛后佢话：“其实无人教我，因为拣呢段片时我问其实大碧姐讲紧咩，会唔会有人可以教到我讲石岐话，佢地话应该揾唔到啦，我都系听大碧姐讲死跟死练。”

最终7位评判一致畀绿灯，汪阿姐话：“我同妈打好熟嘅拍过几套戏，你讲得好清楚好快加埋乡音，真系好神似。”陈永信高度赞扬YOYO表现：“3个好，好好好，又要讲石岐话有难度架吗，同埋做到碧姐嘅表情，入左戏，一般配音员都未必有呢个水准，我话嘅。”“花师奶”雷碧娜更以“无懈可击，有时我地都自愧不如”形容YOYO表现。

点击睇陈自瑶表演及评判评价：