ERROR神还原《老夫子》冀拍处境剧　阿Dee：撼《爱．回家》系其次

ERROR成员193（郭嘉骏）早前隔空反击无线（TVB）副总经理曾志伟后人气急升，其IG追踪人数超越MIRROR人气王姜涛，亦带挈《花姐ERROR游》及《ERROR自救TV》等节目重归ViuTV Top10最多观看节目，日前《ERROR自肥企画》发布预告，在短短不足一天内已吸逾万赞好，连登讨论区周五（23日）出现一则热门帖文，提议ViuTV与《老夫子》作者王泽合作，将漫画拍成30分钟处境剧，硬撼无线王牌处境剧《爱．回家之开心速递》，并由ERROR成员担纲主演：阿Dee（何启华）饰演老夫子、肥仔（梁业）饰演大番薯、193饰演秦先生，而暂被雪藏的保锜能否演出则视乎其表现，此帖引起网民热烈和应，纷纷敲碗希望能成事。

点击图辑睇网民预想ERROR演《老夫子》角色分配：

阿Dee接受《香港01》访问时坦承看到角色分配时十分惊喜：“从来都冇谂过《老夫子》其实咁适合我哋，大家咁用心改图引到我都笑，已经想像到ERROR去扮会几搞笑，相信ERROR亦都非常乐意去做。”他十分认同网民的角色分配，又不忘自嘲：“我啲队友成日都笑我冇乜头发，老夫子呢个角色本身又冇乜头发，我谂自己喺呢方面都有啲天份。”

提起队友保锜暂被雪藏，阿Dee又不忘兄弟，希望保锜能饰演所有奸角：“《花姐ERROR游》保锜讲过：‘经过七七四十九难就可以成为悟空’，佢而家都经历紧一啲难，而《老夫子》里面嘅奸角通常都濑嘢，呢啲劫难能令佢成长得更好，终会成为孙悟空。”至于《老夫子》中另一要角陈小姐，网民纷纷推举与ERROR化学作用极佳的经理人花姐（黄慧君），不过阿Dee内心就属意沈殷怡（Shirley）：“我觉得佢真系几符合、又有睇头，剧集都需要啲靓女担当，同公司又易揾，我个脑暂时得佢一个人选；花姐就唔好搞，佢老人家都攰喇，叫佢拍剧最后受难嘅都系我哋四个，佢专心做经理人同筹备节目啦。”

点击图辑睇Shirley靓相！

阿Dee续指会主动向公司提议：“不过都好睇原作者（王泽）嘅睇法，佢愿唔愿意畀版权ERROR自由发挥，公司又系咪愿意买起版权。我觉得《老夫子》代表咗某个年代嘅价值观，套落现代社会都会产生好有趣嘅矛盾；加上《老夫子》有年轻版、老年版，而青年版的确空白咗，所以有无限嘅创造空间，玩穿越又得，希望可以令大家重新认识非常有代表性嘅本土漫画。”

至于有网民提议以处境剧形式硬撼无线王牌节目《爱．回家之开心速递》，阿Dee就指此非为重点：“撼唔撼《爱．回家》系其次，做创作最紧要有讯息，而《老夫子》嘅背景可以带到好多讯息畀香港人，而最紧要就系提供到欢乐，就咁望外形已经笑，我自己都笑，如果我真系有机会演《老夫子》，我谂现场拍都会不停NG笑，我觉得呢个系向本土娱乐致敬嘅作品，希望有呢个荣幸。”