【我不是男神】千万点击型男　26岁胡卓希：出街有人嗌我做男神

“我要将你拯救，逃离人类荒谬”Dear Jane今年推出的“都市爱情三部曲”，红歌红埋人。说的是MV男女主角胡卓希（Jason）及袁澧林（Angela），尤其是男主角Jason，凭著高大身型、脸上留须的沧桑Look，食正有人钟意“佬味浓”𠮶瓣，MV出街后越来越多人留意，他也直言：“出街都有人嗌我做男神。”摄影：李孙彤

不过Jason好快再补多句：“但我觉得自己算唔上系咩男神。”留须的确好有型，俾人感觉好有历练，兼且多一份成熟稳重，而Jason都明白自己的外型让人有这种感觉，但他却说被一些有魅力的男演员潜移默化，久而久之变到如此“沧桑”，“好似竹野内丰，或者张国荣咁，佢哋留须好型，但男神除咗外型，内涵都好紧要，佢哋咁啱两样都有；而我嘅年纪所有嘅故事未有丰富到好似佢哋咁。”

曾是“没自信的毒男”说的又是，26岁的胡卓希，事业刚起步，一切由“都市爱情三部曲”的陈浩然开始。故事出街之后，有很多回响，除了大赞Jason有型，型得嚟都要挨下骂，“我试过俾观众粗口问候，话我对Angela好衰。”观众睇到咁入戏，Jason出街都被称呼为陈浩然，或是“Angela MV嘅男主角”。但无人叫自己做胡卓希，会唔会好大获？Jason就话：“叫我陈浩然都系好事，至少有人记得。”说话背后源自他3年前曾参与过港台电视剧《Y2K》，当了13集主角，但却无人认得，让他质疑过自己做得不够好，3年后陈浩然话佢知，其实都要靠“天时地利人和”。

Jason讲到自己入行，其实都是误打误撞。他形容中学时期的自己，在这年代就是“没自信的毒男”，“我细个矮到我屋企人都觉得我咁就一世，为人又内向同自卑，平时我都唔系好出声，就算后来长高咗再做Sale有人发掘做Model，我都唔相信。入行之后，我经理人都话我嘅性格唔系好适合，因为每次工作，面对嘅人都系全新，无时间俾自己慢慢嚟。”虽然性格慢热，但条路自己拣，Jason而家都尽量变得积极少少：“尽量分享多啲，唔想大家觉得我好闷。”

唔介意要“挨”由Model变做演员，Jason都话唔介意由头嚟过。不过他坦言角色转换，心理上都要有所调节：“做模特儿，所有人都系招呼自己一个，spot light都系照住自己；但做演员，就变咗做整个环境其中一个物件，无人再得闲招呼你，又唔能马虎去做，做得好未必有人会赏识。”万事起头难，更何况做演员？Jason都明白这个道理，有了要“挨”的预备，喜欢演戏可以拥有第二人生、第二身份，“模特儿26岁系有点迟，但演员呢？20岁咪做20岁，40岁咪做返40岁啰。十年后做唔到咩成绩，再算啦。我都庆幸自己好挨得。”

日后留一线不论拍拖，还是生活，喜欢归喜欢，现实还现实。Jason后来都很老实承认演艺路或多或少有风险，为人保险的他还是留了一线给自己，2年前开始幕后工作。“一次机缘巧合之下，认识咗一位导演，佢知道我钟意影相，就俾我尝试做下幕后，做广告助理，做做下又几钟意。心谂如果万一我做唔到演员，我都可以做返呢个岗位，反正我都好钟意呢个工作。”Jason希望透过累积经验，将来可以拍下电影。其实一个艺人识得多幕后工作，反而仲刹食啦！Jason又唔使惊嘅！

受到MV影响，总会觉得Jason系一个浪子。喜欢浪子，总会想叫他快快泊岸。都想亲身证实，感情上，他又是否一只“无脚雀仔”呢？Jason偏偏就用了大男人来形容自己，“我同陈浩然一样，比较大男人。总会想另一半谅解自己，好似我做呢一行，有时候工作需要，可能同异性会有接触，都会希望对方会明白，而唔系呷醋。”最想不到，“浪子”原来已找到一个体谅他的人。但系！要人理解感受，咁女朋友感受呢？Jason都立即补返句：“咁都唔会系对方完全迁就我嘅，大家都要付出。”唔，我代女朋友答：“算你啦！”