声秀｜旧爱钟舒漫41岁生日 吴浩康11字回应劲神秘

TVB即将推出全新歌唱比赛《声秀》，而经过一轮海选面试之后，一共有25位入围者，今（26日）他们就联同7位导师一同出席宣传活动，大家经过大会一系列的专业培训后都脱胎换骨，每一位站出来都极具星味。

而在接受《香港01》访问时，问到吴浩康对那一位学员印象深刻时，他就表示记得地盘工人林锦兴：“制作团队都有同我讲佢性格好cute，好直率，同埋佢唱功嘅方式我觉得我系帮到佢。”还有对一位跳舞的男生特别有印象，但就不记得对方的姓名。

续问到有何贴士赠给学员时，他就表示：“我觉得都系唱好只歌先，其他嘅嘢外表、外型等都系后话，但必先要唱好只歌先。（点为之唱好只歌？）第一歌要好听，拣啲自己唱得好听嘅歌，拣歌唔好谂住要拣咩难度，唔好谂咁多，最紧要唱得只歌好听。”

另外，提到有多位学员的广东话说得不正，其实会不会扣分，他就二话不说：“其实确然唔系用自己嘅母语一定系蚀底啲，但赛制如是，都系一个好好机会去学习。但系要唱好广东话唔系每一个讲广东话嘅人都做得到嘅事，无论系现时乐坛已经出紧碟嘅，或者今日嚟参加比赛，唱得广东话唔好，但系识广东话嘅都大有人在。”又作建议如广东说得不好的朋友，其实可多作训练。

最后，提到与旧爱钟舒漫同为导师，有没有对节目多作交流，他就表示：“冇交流学生啲嘢，因为都要睇吓佢哋喺台上面先至有多啲交流。（钟舒漫话有关注你嘅社交网站，你有冇关心佢社交网站𠮶啲呢？）我都唔系好关心社交网站嘅人，我成日觉得如果要关心佢，其实可以打俾佢都得，（佢日前生日有冇send讯息讲生日快乐？）有或冇都唔会话俾你哋知。”