婆婆坐凳揿ATM　港男：机舖打街机咁　网民吁体谅：长者肌力不足

长者身体机能逐渐衰退，未必仍能如年轻人般长久站立。有港男近日经过恒生银行1个柜员机时，目睹有婆婆坐在可折式拐杖椅上使用柜员机，他觉得场面有趣，婆婆“好似喺机舖打紧街机咁”，于是拍下照片于网上分享。怎料，有网民认为港男拍照是为取笑及公审，斥责“大惊小怪，人哋婆婆行动唔方便，坐住揿机有咩问题，咁都要公审人？”、“有咩好影？他朝君体也相同”、“好明显系行动唔方便唔企得耐，所以先要咁样啫，唔系咁都要俾你话呀嘛”。

有网民就为港男护航，指出“完全唔觉楼主系取笑紧婆婆，只系觉得个画面好可爱”、“我觉得姐姐好有趣好得意㖞，唔明点解有啲人咁敏感”，笑说“似蒲开冒险乐园哈啊！”、“好似欢乐天地推银仔，架车用嚟装飞仔”。

该港男于Threads发文分享照片，见到有婆婆坐在可折式拐杖椅上使用恒生银行柜员机，身旁放有1部买𩠌车，婆婆用双手操作柜员机，趣致场面引来港男注目。港男于帖文表示，“觉得呢个姐姐好fun，atm揿钱揿到好似喺机舖打紧街机咁，差少少想放低1蚊跟机”。

目击婆婆坐凳操作柜员机　港男：好似打街机咁

有网民随即留言质疑港男拍照目的是为取笑婆婆，“幼稚，攞埋啲伤健人士嚟讲笑”、“老人家好多都膝头老化，肌力不足，自己带埋凳坐下又有乜好笑”。

网民质疑拍照为取笑：老人家肌力不足

有网民猜测婆婆要坐凳原因，“老人家唔系个个都企得定，佢𠮶个拐杖咁嘅设计，佢都系善用呢个设计帮助自己”、“好多老人家对脚唔够力，真系边行边坐，你老啲就明白”、“我谂有啲嘢真系到你老咗或者受伤先会明，揿机𠮶几分钟都要坐，都唔系佢想”。

护航网民：楼主冇攻击性言论　网民AI改图展创意

有网民就劝说勿对帖文太敏感，认为港男只是分享有趣一幕，“留言区戾气使唔使咁重，怪唔得成日人哋刻板印象香港人唔识幽默，本身个post只系笑下柜员机加埋个动作好似打紧机，post主都只系话下好fun，冇攻击性针对性言论，一个咁普通嘅post都可以闹交”。

有网民就开玩笑说，“我推的银纸”、“拉紧老虎机，咪阻住晒啦”、“长期作战咁款㖞”，甚至有网民利用人工智能（AI）改图，将该处改成大型电玩舖，柜员机改成街机，毫无违和感的改图引来赞叹，“果然高手在民间！师兄创意一流，好嘢！”。